web counter
LEXO PA REKLAMA!

SHKARKO APP

App Store
Google Play

E fundit!

x

Çfarë kërkojnë Basha dhe Kryemadhi?/ Rama zbulon prapaskenat e aksionit opozitar

6 Mars 2019, 11:40, Aktualitet CNA

Kryeministri Edi Rama pas fjalës së tij dje në parlament ka udhëtuar drejt Italisë.

Në një intervistë për gazetën italiane ?La Repubblica?, Edi Rama  ka folur në lidhje me protestat e opozitës.

Sipas Ramës, opozita po proteston sepse e di që nuk fiton zgjedhjet dhe lidershipi po tenton të shmangë përgjegjësinë.

?Shqipëria është në procesin e modernizimit, ka ende probleme me korrupsionin. Për ta luftuar atë, nevojiten institucione solide, një sistem gjyqësor i besueshëm dhe shërbime të qëndrueshme. Qeveria ka nisur një ofensivë kundër korrupsionit dhe krimit të organizuar. Ajo që dëshiron opozita është e vështirë të shpjegohet. Opozita nuk ka shanse të fitojë në zgjedhjet lokale në qershor: lidershipi do të donte të shmangte përgjegjësinë për humbjen.?-tha Rama.

Më tej, ai theksoi se gjatë zgjedhjeve të 2017-ës, opozita kishte disa ministri, përfshirë edhe drejtimin e KQZ-së.

?Ne fituam zgjedhjet me një shumicë absolute, pasi u treguam të hapur ndaj opozitës duke i dhënë asaj përgjegjësinë e disa ministrive për periudhën e zgjedhjeve, përfshirë edhe drejtimin e Komisionit Qendror të Zgjedhjeve, pavarësisht maxhorancës që kishim.Marrëveshja ishte që në fund fituesit do të qeverisnin dhe humbësit do të shkonin në opozitë pa e bërë Shqipërinë subjekt të propagandës së brendshme politike në median ndërkombëtare. Në vend të kësaj, protestat filluan menjëherë, por qeveria është e fortë, sondazhet e kanë konfirmuar këtë .?-tha ndër të tjera Rama./CNA.al





Lajmet e fundit nga