Murrizi akuza ish-drejtorit të Lojërave të Fatit/ Ke gjashtë vjet që shijon frytet e pushtetit

6 Mars 2019, 09:16, Aktualitet CNA

Deputeti i qarkut të Lushnjes, Myslim Murrizi i cili nuk iu bind urdhërit për djegur mandatin, ka pasur një ?përplasje? me ish-drejtorin e Lojërave të Fatit, aktualisht i deleguari i Bashës në Kavajë, Shkëlqim Hoxha.

Pas një debati në rrjetet sociale, Murrizi nuk i ka kursyer akuzat në drejtim të Shkëlqim Hoxhës, për të cilin thotë se është ka gjashtë vite që shijon frytet e tetë viteve në pushtet.

Shkëlqim Hoxha ka reaguar pas një postimi të Murrizit në rrjetet sociale, duke i thënë ?Të këshilloj ta lësh këtë mesele tani, u bë çu bë, iku ajo punë se dukt sikur je pozicionu kundër tani.?.

Por, më pas Murrizi nuk i ka kursyer akuzat në drejtim të Shkëlqim Hoxhës.

?Shkëlqim Hoxha, je shumë i vogël nga të gjitha anatë të më thuash mua boll Çim. Ke ardhë refugjat në vitin 2005 dhe ke qënë ku të ka dash kokrra e qejfit sa tek dogana tek lojërat e fatit dhe ke 6 vjet që shijon frytet e 8 viteve të pushtetit. Nuk jam hajdut unë Çim dhe nuk ka PS të më thotë boll.?-shkruan Murrizi.

Më tej, ka reaguar sërish Shkëlqim Hoxha, i cili thotë se ?të këshillova si mik?, por ka reaguar sërish Murrizi ndërsa thekon se ?Shkëlqim Hoxha jo nuk jemi njëlloj. Kam qënë këtu prej 8 dhjetorit të vitit 1990, kam qënë mes bandave të vitit 1997-1998. Kam qënë sa herë që PD ka qënë në opozitë. Ti nuk ka qënë asnjë ditë këtu.

Ka shumë rëndësi edhe se ku kemi punuar unë dhe ti. Unë kam prej vitit 1996 në opozitë. Ti erdhe ne Shqipëri në vitin 2005 dhe u bërë drejtor. Jam parë si kulak gjatë viteve kur ju dhe këta plehra që janë sot në kryesinë e e PD-së ishin në kalë të pushtetit. Kush më jep këshilla mua për mandatin?? Nardi që ishte krah Ramës me 21 janar 2011? Idrizi me Melisën që qeverisen me Ramën katër vjet dhe mandat të demokratëve të Lushnjes?

Monika që nuk duron dot 2 vjet pa pushtet? Sahiti, Bardhi, Beni Cimi apo Gaz Bardhi që kanë qënë në ministri të Drejtësisë deri në 2016??.

Kujtojmë këtu se Shkëlqim Hoxha, i cili u akuzua dje nga kryeministri Rama në seancën plenare, aktualisht është anëtar i Këshillit Kombëtar të PD-së si dhe një nga të deleguarit e Lulzim Bashës në Bashkinë e Kavajës. Është një njeri që e shikon gjithmonë në krah të Lulzim Bashës, si ish-drejtori i Lojërave të Fatit ne Ministrine e Ekonomise apo dhe më tej si ish-drejtor në Ministrinë e Financave./ CNA.al

Murrizi akuza aleatëve të Bashës/ Kanë qënë me Ramën