web counter
LEXO PA REKLAMA!

SHKARKO APP

App Store
Google Play

E fundit!

x

Zgjidhja e krizës/ Koalicioni: Një qeveri teknike dhe zgjedhje të nderëshme

5 Mars 2019, 22:00, Aktualitet CNA

Kriza e thellë politike që ka përfshirë vendin, veçanërisht këta dy muajt e fundit, është  bërë temë preokupimi e Koalicionit qytetar për Shqipërinë.

Nëpërmjet një postimi në faqen e vet të rrjetit social ky Koalicion jep propozimin e nxjerrjes së vendit nga kjo krizë dhe zhvillimin e zgjedhjeve të parakohëshme, të lira e të nderëshme. Ja postimi i plotë i Koalicionit:

” ZGJIDHJA E KRIZËS: Front i Madh Opozitar që me Zgjedhjet e Parakohshme të nxjerrin një QEVERI TEKNIKE 6 MUJORE që do të organizojë brenda 6 muajsh ZGJEDHJE TË REJA TË LIRA DHE TË NDERSHME me një Sistem të Ri Zgjedhor!

Zgjidhja e krizës së përfaqësimit në Zgjedhjet e ardhshme të parakohshme parlamentare dhe lokale:

KRIJIMI I NJË FRONTI TË MADH OPOZITAR
që NUK synon të qeverisë 4 vjet por kërkon të krijojë një QEVERI TEKNIKE 6 MUJORE
që do të organizojë PËRSËRI Zgjedhje të reja brenda 6 muajsh pas Zgjedhjeve të parakoshme me një
SISTEM TË RI ZGJEDHOR!

Koalicioni Qytetar ?PËR SHQIPËRINË? gjykon se e vetmja mënyrë për të shpëtuar Shqipërinë nga një diktaturë monopartiake është paraqitja e një:
PROPOZIMI KOMBËTAR ELEKTORAL OPOZITAR
jo për qeverisje 4 vjeçare, por vetëm 6 mujore,
pra një Qeveri Teknike që do të organizojë Zgjedhje të reja parlamentare dhe lokale brenda 6 muajsh.

Vetëm kështu ky Propozim Elektoral Opozitar do të bindë dhe do të fitojë mbështetjen e çdo votuesi se kriza e përfaqësimit dhe besimit kapërcehet duke ndryshuar Sistemin Zgjedhor dhe neutralizuar efektin frikësues dhe manipulues të Diktaturës së instaluar në Shqipëri.

Vetëm kështu Shqiptarët do të kenë të drejtë të votojnë për herë të parë si çdo qytetar i botës demokratike në Zgjedhje të Lira dhe të Ndershme për atë parti, kandidat dhe program elektoral që u duket më i mirë dhe jo më pak i keqi!

Elektorati shqiptar ka një mosbesim ekstrem ndaj klasës politike dhe sistemi aktual zgjedhor është një mekanizëm antidemokratik që garanton kapjen e shtetit dhe politikës nga banda elektorale politike në pushtet ku bandat e opozitës shërbejnë si fasada demokratike të sistemit politik.

Elektorati ndodhet gjthm përballë zgjedhjes të së keqes më të vogël dhe kjo sjellje politike ka vrarë çdo shpresë se ky vend mund të bëhet i jetueshëm dhe i duhuri për shqiptarët.

Aktualisht për shkak të mos angazhimit të deritashëm politik të ishOpozitës Parlamentare, Zgjedhjet e reja të parakohshme do të kryen vetëm me Kodin e Vjetër Zgjedhor dhe me një Qeveri Socialiste sipas rregullave të vjetra të cilat nuk ka asnjë shans të përshtaten në një Kod të Ri Zgjedhor si për shkak afatesh kohore ashtu edhe për shkak mungese korumi votash (efekti i dorëzimit të mandateve).

Për të mundur elektoralisht këtë Mazhorancë duhet një mobilizim kombëtar por pak gjasa ka që oferta elektorale aktuale dhe reputacioni i rrënuar me të drejtë i ishOpozitës Parlamentare si dhe koha e pamjaftueshme e forcave të reja politike të arrijë të prodhojë reaksionin e duhur publik në kutitë e votimit të Zgjedhjeve të Parakohshme Parlamentare dhe Lokale.

Koalicioni Qytetar ?PËR SHQIPËRINË? gjykon se e vetmja rrugë për të kthyer shpresën duke mobilizuar dhe garantuar çdo votë është vetëm një Ofertë e Re e përbashkët Elektorale e të gjithë forcave politike aktuale dhe të reja (përfshi edhe Koalicionin Qytetar ?PËR SHQIPËRINË?) e cila do t?i propozonte elektoratit shqiptar:

Kjo ofertë është e negociueshme vetëm me kushtin e pranimit të ofertës së ribërjes së Zgjedhjeve brenda 6 muajsh me një Sistem të Ri Zgjedhor nëpërmjet një Qeverie Teknike e dalë nga Zgjedhjet e tanishme.

Koalicioni Qytetar ?PËR SHQIPËRINË? nuk do të bashkëpunojë me asnjë forcë politike e cila nuk bie dakort me këtë proçes pasi:
– Nga një anë është e pamundur të rrëzohet Oligarkia në pushtet pa siguruar besimin e elektoratit shqiptar që forcat opozitare synojnë ti sigurojnë popullit shqiptar Zgjedhje të Lira dhe të Ndershme dhe këtë mundësi mund t?ja japi veç një Qeveri Teknike e dalë nga Zgjedhjet e tanishme të parakohshme që do t?i jepnin fund tranzicionit!
– Nga anë tjetër Shqipëria s?mund të jetë përgjithmonë peng i TEORISË TË SË KEQES MË TË VOGËL e cila ka rezultuar gjthm NJË E KEQE MË E MADHE SE AJO QË ISHTE! Dhe rezultati është shpopullimi i Shqipërisë me shpejtësi ferri!”

Tiranë 5 Mars 2019

 





Lajmet e fundit nga