E fundit!

15:15 Politikë

“Jo sipas karrierës, por kush rri pas Berishës”/ Murrizi: Problemi në PD, mungesa e garës

Ish-deputeti, Myslim Murrizi, komentoi sot procesin zgjedh...

Nga Arjan Galdini/ Armiqtë dhe tradhëtarët e PD fituan, ne që i shanim e hëngrëm sa krahu

5 Mars 2019, 22:10, Aktualitet CNA

Profesor Arjan Galdini në një postim në rrjetet sociale ka sjellë në kujtesë disa raste kur anëtarë të PD-së fillimisht të përjashtuar dhe të shpallur tradhëtarë nga PD-ja, më pas janë kthyer sërish e janë shpërblyer me poste.

Galdini e ka nisur me raste të ish kryeministrit Sali Berisha dhe ka përfunduar me raste të kryetarit të PD, Lulzim Basha.

Më tej ai ka bërë thirrje: kujdes kë shani sepse pas disa kohësh mund t?i keni udhëheqës!

Postimi i plotë:

Pak Kujtesë:

Dikur Kryetari i PD na tha se Genc Ruli, Arben Imami, Neritan Ceka, etj, etj, janë armiq, tradhëtarë, të shitur, e gjithëfarësoj të lige.

Më pas të gjithë këta, u thirrën nga Berisha, u ribashkuan me Berishën dhe u bënë udhëheqësit tanë.

Ne që i shanim këta sipas porosisë së Doktorit, e hëngrëm sa krahu.

Më pas, dolën tradhëtarë Genc Pollo, Dashamir Shehi, Tritan Shehu, etj, etj.

Përsëri erdhi dita kur Berisha i thirri, u bashkua me ta dhe i bëri udhëheqës të PD e Ministra.

Ne që i shamë e mallkuam me porosi të Berishës, e hëngrëm përsëri sa krahu.

Nga 1990 deri në vitin 2005, Sali Berisha na tha se Fatos Nano është armiku i kombit, burgu ynë, tradhëtari i kombit, fatkeqësia jonë kombëtare, rrezik mbi rreziqet.

Pas 2005, Sali Berisha u bë shok i ngushtë me Fatos Nanon dhe të gjithë ne që e shanim e mallkonim Nanon me porosi të Berishës, e hëngrëm sa krahu.

Prej vitit 1990 deri në vitin 2009, Sali Berisha na kishte thënë se Ilir Meta është Ilir Floriri, Kryehajduti, Vrasësi, etj, etj. Në vitin 2009, Sali Berisha u bë shok i ngushtë me Ilir Metën.

Prapë, të gjithë ne që e kishim sharë e mallkuar Ilir Metën me porosi të Doktorit, e hëngrëm sa krahu.

Pastaj në vitet 2012 – 2013, dolë tradhëtarë, armiq, të pabesë, të shitur, Bamir Topi, Gazmend Oketa dhe Aleksandër Biberaj.

Tani Lulzim Basha si Kryetar i PD i ka thirrur dhe i ka bashkuar në PD dhe i ka zgjedhur në Këshillin Kombëtar të PD.

Kush i shau e mallkoi Gaz Oketën dhe Sandër Biberajn me shokë, tani i ka mbi krye.

Mund të sjell edhe plot emra, pafund emra që sot shpallen tradhëtarë e armiq, e nesër thirren si udhëheqës.

Ndaj miq, kujdes, kujdes, kujdes, kur shani, mallkoni e shpallni armiq e tradhëtarë…

Bëni kujdes…

Nesër mund tua thërrasë Udhëheqja e tua bëjë Shefa mbi kokë.

Kujdes./CNA.al