E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ekskluzive-Kandidatët e opozitës/ Kanë firmosur dorëheqjet, por pritet të marrin mandatet

6 Mars 2019, 11:07, Aktualitet CNA

Partia Demokratike dhe Lëvizja Socialiste për Integrim kanë vendosur djegjen e mandateve. Nga 42 deputetë të PD-së dhe 19 të LSI-së, pra 61 deputetë, katër deputetë, përkatësisht Rudina Hajdari, Myslim Murrizi, Lefter Koka dhe Robert Bitri, nuk i dogjën mandatet dhe 57 të tjerë po.

Dje Lulzim Basha së bashku me Monika Kryemadhin kanë dorëzuar në KQZ një listë të plotë dorëheqjesh me 103 emra nga PD-ja dhe 75 emra nga radhët e LSI-së, që japin dorëheqjen.

Pra, janë dorëzuar 178 dorëheqje, të emrave të listave pritëse, të cilët vinë pas 75 emrave që kishin dorëzuar mandatin.

Në fakt, të dyja partitë opozitare kanë dorëzuar në KQZ për zgjedhjet e 2017-ës, 340 emra kandidatësh. Dhe duke bërë një llogari të thjeshtë, rezulton se mbi 100 emra nuk kanë pranuar të firmosin për të mos pranuar mandatin e deputetit.

Por, një detaj ekskluziv që ka mësuar CNA.al nga burime pranë PD-së është fakti se sipas procedurës ligjore letrat që kanë dorëzuar Basha dhe Kryemadhi në KQZ, nuk trajtohen fare nga kjo e fundit.

Nëse mbeten vende bosh, KQZ do vijojë që të dergojë me postë ftesën për marrjen e mandateve, pavarësisht nga fakti nëse kanë firmosur ndonjë nga letrat që Basha dorëzoi dje. Secili prej kandidateve nga lista që merr ftesën, mund të paraqitet në KQZ.

Pra, procedura e ndjekur nga Basha dhe kryemadhi është pa asnjë efekt ligjor, pasi mandatet janë individuale.

Megjithëse Basha dhe Kryemadhi kanë dorëzuar një listë në KQZ, kandidatët duhet të shkojnë dhe të vetdeklarohen.

Një burim zyrtar nga PD i tha CNA.al, se disa prej personave që kanë firmosur do të shkojnë ta marrin mandatin. Megjithëse ata kanë dhënë një deklaratë pranë PD-së, pritet që në momentin që KQZ-ja të bëjë njoftimet të shkojnë të plotësojnë formularin e dekriminalizimit, çka bën që ata të marrin automatikisht mandatin dhe deklarata e shkruar në PD dhe e dorëzuar nga Lulzim Basha është e pavlefshme.

Pra, përtej mbi 100 emrave të cilët nuk kanë firmosur dhe kanë refuzuar të zbatojnë urdhërin e Kryemadhit dhe Bashës, edhe brenda listës me gati 180 emra të dorëzuar në KQZ pritet që të ketë persona që do shkojnë të marrin mandatet./ CNA.al

Ekskluzive-Monikën e braktis gjysma e kandidatëve/ 54 emra refuzojnë dorëheqjen

Ekskluzive-Bashës i dezerton ushtria/ Zyrtarizohen 49 kandidatët që refuzojnë dorëheqjen