Eliminon prokurorin e Krimeve të Rënda/ Arta Marku përfshihet në skandal?

6 Mars 2019, 11:08, Aktualitet CNA

KLP është nën kontrollin e Prokurores së Përgjithshme të përkohshme Arta Marku. Thënë më qartë është nën kontrollin e politikës, pasi edhe Prokuroria Përgjithshme, nuk ka mundur do të shkëputet nga politika.

Arta Marku në vijimësi është akuzuar se po përdoret politikisht, ndërkohë që ka heshtur. Rëndom heshtja vlerësohet edhe si pohim, por duke ditur se Marku synon mos largimin nga posti i Prokurores së Përgjithshme, pritet që ajo ta shtrojë rrugën në KLP.

Ndërkaq edhe disa anëtarë të KLP -së, konsiderohen si paterica të saj.

Kundërshtarët e Markut në KLP, pritet të asgjësohen, ashtu siç ndodhi me prokuroren Antoneta Sevdari.

Ndërkaq, Prokuroria e Përgjithshme ka njoftuar se ka shpallur vakancën për një vend në Këshillin e Lartë të Prokurorisë pas shkarkimit të anëtares Antoneta Sevdari nga Kolegji i Posaçëm i Apelimit.

?Me qëllim plotësimin e vendit të mbetur vakant, deri në mbarimin e mandatit të anëtarit të larguar, ftojmë prokurorët e interesuar nga prokuroritë e shkallës së parë që plotësojnë kriteret të sjellin kërkesën për shprehjen e interesit si dhe dokumentet e kërkuara pranë Prokurorisë së Përgjithshme?, thuhet në thirrjen e Prokurorisë së Përgjithshme.

Është e vërtetë që pas shkarkimit të Antoneta Sevdarit KLP ka mbetur me 10 anëtarë dhe në këto kushte ajo duhet të zëvendësohet.

Por a është e nevojshme që të rihapet sërish gara?

Sipas anëtarit të Këshillit të Pavarur për Monitorimin e Reformës në Drejtësi, Saimir Vishaj në këtë rast nuk është e nevojshme që të hapet gara sërish, të thirret Mbledhja e Përgjithshme e Prokurorëve dhe më pas të votohet për kandidatët

Gjatë një prononcimi të para disa ditëve në media, Vishaj tha, se zgjidhja gjendet tek emrat që tashmë janë votuar nga Mbledhja e Përgjithshme e Prokurorëve dhe zëvendësuesi i Antoneta Sevdarit do të jetë emri pas saj që ka marrë më shumë vota se kandidatët e tjerë.

?Mbledhja e përgjithshme e prokurorëve e ka dhënë verdiktin e saj, sipas listës dhe kritereve që ka pozicionuar. Mendoj që vendin e zonjës Antoneta Sevdari do ta zërë Dritan Prençi i cili ka marrë pikët maksimale sipas votave të vetë prokurorëve. Nuk do të ketë përsëri votim, por mendoj që votimi është kryer?, ka thënë më herët Vishaj.

Por, përse Arta Marku është e interesuar të rihapë sërish garë, kur e ka kandidatin? Apo prokurori Dritan Prençi, nuk është pjesë e klanit të saj dhe si i tillë nuk mund të votojë për Prokurore të Përgjithshme me mandat të përhershëm.

Kryeprokurorja Marku duket se ka krijuar imunitet nga skandalet e njëpasnjëshme, dhe as nuk i bëhet vonë për vendime gjykatash, mafton që të mbetet sërish në pozicionin që ka./CNA.al