web counter
LEXO PA REKLAMA!

SHKARKO APP

App Store
Google Play

E fundit!

x

BE-ja e vendosi/Ja çfarë do të ndodhë me ndryshimin e orës

6 Mars 2019, 08:51, Aktualitet CNA

BE-ja hodhi një tjetër hap drejt heqjes së ndryshimit të orës në pranverë dhe vjeshtë. Nga viti 2021 ora nuk do të ndryshojë më me ndërrimin e sezoneve, por ky ndryshim pritet të ndodhë vetëm në disa prej vendeve anëtare të Bashkimit Europian.

Një komision i Parlamentit Europian votoi të hënën me 23 vota pro dhe 11 kundër për heqjen e këtij ndryshimi. Si komisioni i BE-së, ashtu edhe Parlamenti Europian mendojnë se koha për këtë lëvizje të akrepave ka kaluar, por për të ndryshuar ritualin nevojitet aprovimi i të 28 shteteve anëtare.

Në muajin qershor ministrat e këtyre vendeve do të marrin për herë të parë, vendimin se kur dhe ku do të vlejë cila kohë. Kjo sepse disa vende, mes të cilave Greqia dhe Portugalia, duan që t?i mbajnë rregullat e vjetra dhe të kenë ndryshimin e orës dy herë në vit, në verë dhe në dimër.

Ndërkohë Qipro, Hollanda, Danimarka, Franca dhe Irlanda nuk kanë marrë ende vendim. Shtetet e tjera duan ta heqin ndryshimin e orës, por duhet të vendosin cilën nga kohët do të zgjedhin, atë të dimrit apo atë të verës.

 

Pjesa më e madhe e vendeve të botës nuk e njohin ndryshimin e ores. Vetëm 73 prej tyre e bënë këtë vit. Pavarësisht vendimit që do të merret, ndryshimi i orëve do të prezantohet 30 marsin e 2020-s në të gjithë BE-në.

Njoftimi i Presidenti të Komisionit të BE, Jean Claude Juncker, i bërë në muajin shtator se ndryshimi i orës do të hiqet shumë shpejt, dëshmoi se ishte i parakohshëm. Ky ishte rezultati që doli nga sondazhet e bëra me qytetarët e BE, por anketimet nuk ishin përfaqësuese sepse 3 milionë nga 4,6 milionët që votuan ishin nga Gjermania.

Diplomatët e Bashkimit Europian nga vendet e tjera më të vogla u ankuan se Komisioni i BE kërkon që të detyrojë shtetet të plotësojnë dëshirën gjermane. Anëtarët e bllokut duan t?i japin kohë vetes!





Lajmet e fundit nga