E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Sot protesta e opozitës/ Qytetarët nga rrethet nisen drejt Tiranës

16 Shkurt 2019, 07:04, Aktualitet CNA

Sot rreth orës 11:00 pritet të nisë protesta e paralajmëruar nga opozita, sipas tyre për të rrëzuar kryeministrin Rama.

Mësohet se protestuesit do të mblidhen në bulevardin “Dëshmorët e Kombit”, për të marshuar drejt kryeministrisë.

Gjithashtu bëhet e ditur se qytetarë të shumtë nga rrethet janë nisur në orët e para të mëngjesit drejt Tiranës, ku pritet të bashkohen me protestuesit në Tiranë.

Ndërkohë policia ka marrë masat për të parandaluar incidentet e mundshme nga ky tubim. Disa rrugë pranë kryeminstrisë janë bllokuar duke mos lejuar qarkullimin e lirë për automjetet.

Qindra simpatizantë të PD dhe LSI në Qarkun e Gjirokastrës janë nisur drejt kryeqytetit me katër autobusë, pesë furgonë ndërkohë që shumë të tjerë, janë organizuar për t’u nisur për në protestë me automjetet e tyre.

Sipas PD së qarkut Gjirokastër, vetëm nga Gjirokastra, janë nisur rreth 450 persona në drejtim të kryeqytetit, ndërsa në rang qarku, numri total përllogaritet diku tek 1000 persona.

Nga Kukësi burime bëjnë me dije se janë nisur rreth 1500 protestues, duke përfshirë dhe zonën e Hasit dhe të Tropojës. Shoferet e autobuzave në Kukës nuk kanë pranuar të vendosin postera të partise demokratike në xhamat e përparme të mjeteve.

Ndërkohë që një numër i konsiderueshëm qytetarësh janë nisur dhe nga qyteti i Beratit. Nga Dibra mësohet se janë nisur 6 mijë qytetarë, ndërsa nga Lezha 5 mijë.

Nga Elbasani dhe Durrësi nisja pritet që të bëhet më vonë, burime nga qyteti bregdetar thonë se do të nisen rreth 5 mijë persona.

Ndërkohë që në disa pika të ndryshme si në Fushëkrujë-Rinas, Shkodër apo në Fier ka pasur postblloqe të policisë, të cilat kryejnë kontrolle të ndryshme mbi mjetet.

Po ashtu dhjetëra autobusë dhe automjete private janë nisur nga Fieri mëngjesin e sotëm drejt kryeqytetit ku do të mbahet protesta e opozitës. Janë disa pika në Fier ku qytetarët janë mbledhur mëngjesin e sotëm për t?u bashkuar dhe nisur drejt Tiranës.