web counter
LEXO PA REKLAMA!

SHKARKO APP

App Store
Google Play

Në hapat e fundit/ Spartak Ngjela: Korrupsioni ka humbur qetësinë

15 Shkurt 2019, 21:52, Aktualitet CNA

Avokat Spartak Ngjela në një postim në rrjetet sociale shkruan se korrupsioni e kka humbur qetësinë dhe është në hapat e tij të fundit drejt ndëshkimit.

Sipas Ngjelës, kryengritja e nesërme nuk mund të krijojë asgjë, por vetëm kërcënimi amerikan që ka ardhur do të zhdukë korrupsionin.

?Korrupsioni ka humbur qetësinë. Është në hapat e tij të fundit drejt ndëshkimit… përdrejt hekurave…

Në Parlamentin e Shqipërisë nuk u la të fliste qetësisht as kryetari i Kuvendit të Maqedonisë.
Qesharakë. Sepse janë të shqetësuar në frikë. Frika e goditjes penale pasi ke vjedhë popullin tënd në vend që ta qeverisësh atë, ka qenë në shekuj shumë e trazuar në çdo vend. Por goditje e vjedhësve të popullit ka qenë pika e kapërcimit jetësor për çdo popull që sot është i iluminuar nga kultura, nga dija dhe nga mirëqënie. Në këtë cak ndodhet edhe populli shqiptar sot, të tetë milionët, që jetojnë në Ballkanin Perëndimor.
Por epiqendra e tij është Shqipëria. Dhe pikërisht këtu i duhet dhënë dërma vjedhësve të popullit.
Shqiptarët janë në prag të shpërthimit të tyre të madh, ata duan që në këtë shpërthim të kenë ndihmën direkte të mikut dhe aleatit të madh njëqindvjeçar: Shteteve të Bashkuara të Amerikës.
Dhe sigurisht që do ta kenë këtë.
Prandaj, korrupsioni nuk mund të krijojë dot asnjë lloj destabilizimi në Shqipëri.
Po “kryengritja” e nesërme më datë 16 shkurt.
Asgjë nuk mund të krijojë. Kërcënimi amerikan jam i sigurt që ka ardhur.
Askush nuk mund të tallet më me shqiptarët pasi i ka shkatërruar dhe grabitur ata.
Nesër do ta shohin shqiptarët forcën e mikut dhe partnerit të tyre të madh: Shtetet e Bashkuara të Amerikës. Por do të konstatojnë edhe falimentimin përfundimtar të korrupsionit të lartë politik në Shqipëri?,-shkruan Ngjela./CNA.al





Lajmet e fundit nga