web counter
LEXO PA REKLAMA!

SHKARKO APP

App Store
Google Play

Beteja mediatike/ Kush do të fitojë ERTV e Ramës, apo media e "kazanit"                                                     

15 Shkurt 2019, 20:30, Aktualitet CNA

Protesta e nesërme do të zbresë në sheshin e betejës forcat e bashkuara politike të opozitës, të cilat janë angazhuar se me muskujt e tyre do t’ja dalin ta shkulin nga qeverisja Edi Ramën.

Opozita e udhëhequr nga Lulzim Basha, kryeministri i “Republikës së re”, përballë maxhorancës socialiste të “Rilindjes” së Edi Ramës.

Topat e ushtrisë së çiftit Basha-Kryemadhi etj., do të zbrazen në Tiranë, me objektiv “rrënimin” e Kryeministrisë, ndërkohë që taborët e Ramës do të kenë si fortesë Sheshin e Flamurit në Vlorë.

Ky është formacioni i rreshtimit të forcave politike ditën e nesërme, të cilin, sipas të njejtës skemë, pritet ta ndjek nga pas edhe media. ERTV e Ramës përballë medias së “kazanit”.

Burime të afërta me shtabin e Edi Ramës i kanë thenë CNA.al se krahas pjesëmarrësve, në takimin e nesërm të Edi Ramës me vlonjatët në Sheshin e Flamurit do të jetë dhe ekipi i televizionit “rilindas” ERTV, i cili do të transmetojë live këtë aktivitet.

Megjithse është motivuar si vijimësi e takimeve të Kryeministrit nën siglën: “Bashkia që duam?, qëllimi i vërtetë i tubimit është karshillëku për të thyer vëmendjen e shtuar të publikut të gjerë, ndaj protestës së opozitës. Gjë që e tregon dhe përplasja në të njejtin orar e të dy aktiviteteve.

Madje është projektuar që ERTV ti ndezë kamerat dhe të nis transmetimin para se mediat e “kazanit” në Tiranë të bëjnë të njejtën gjë.

Në programin special të ERTV është parashikuar transmetimi live i qindra autobusëve, që është projektuar të nisen nga Berati, Skrapari, Lushnja, Fieri, Tepelena, Gjirokastra, Patosi, Mallakastra dhe zona të tjera të jugut për të mbushur Sheshin e Flamurit.

Kjo është strategjia e medias, ndërkohë që pyetja e mbetur pezull është: A do tja dalë ERTV e Edi Ramës, që me këtë program special dhe transmetimin live të antimitingut të Vlorës, t’i mposhtë mediat e “kazanit” të Tiranës? /CNA.al





Lajmet e fundit nga