Shënim/ E vërteta që xhindosi Kryeministrin e "Republikës së re"

15 Shkurt 2019, 17:36, Aktualitet CNA

Ka javë që opozita po e propogandon protestën e nesërme si një ditë historike, që jo vetëm do të heq qafe despotin Edi Rama, por dhe do të çlirojë shqiptarët nga zgjedha e rregjimit të tij të korruptuar. Veçanërisht këto ditët e fundit motorrët e kësaj propogande janë ndezur furishëm dhe pistonat po punojnë aq fortë sa thua që 16 Shkurti 2019 do të jetë si 22 Marsi i 1992. Me fitore të garantuar të PD-së dhe aleatëve…

Me të vetmin ndryshim se rrëzimi i socialistëve “rilindas” të Ramës nuk do të jetë me votë por me protestë. Dhe, pas kësaj, në krye të qeverisjes së “Republikës së re” do të vijë Lulzim Basha, i cili, ndër të tjera, premton sjelljen e lirisë së mendimit e veprimit. Por dhe heqjen e censurës e të frikës nga pushteti etj.

Mirëpo sa të vërtetë ka në sloganet premtuese që Basha artikulon pa doganë nëpër takimet mobilizuese për rrëzimin e qeverisë Rama? Për ti dhenë përgjigje po sjellim dëshminë e 67 vjeçarit Vasil Buzo, i cili tre ditë më parë u godit nga truproja e Lulzim Bashës, gjatë takimit që ky i fundit po zhvillonte me banorët e Pogradecit.

?Kur e takova Lulzim Bashën me tha: “si je”. Mirë, i thashë unë. Me datën 16 e di që kemi protestë, por në datë 17 nuk e di çfarë do bëhet, kush do ta marri? i thashë. Ai më tha: “Unë do ta marr, populli, kush do ta marrë?” Cili popull, i thashë unë, ti? Ti vodhe Rrugën e Kombit 300 milionë euro, plus asaj vrave edhe 4 veta në Tiranë. E këtu ai u shkëput nga unë dhe bodigardi i tij, që ishte në krah, erdhi dhe më goditi në bark. U spostova sepse grushti ishte i fortë sa po të mos isha spostuar do isha rrëzuar në tokë”.

Këto deklaroi qytetari pogradecar Vasil Buzo, duke sqaruar se nuk kërkonte asgje dhe se i ishte bashkuar tubuesve veç për ti thenë ato fjalë Lulzim Bashës. “Nuk kisha asnjë qëllim politik”, u shpreh ai për TV “Sot 7”.

Ngjarja është përgjigja më e saktë për të gjitha pyetjet që mund të lindin lidhur me cilësinë e “Republikës së re” të Lulzim Bashës, që pritet të zëvendësoj atë të “Rilindjes” së Edi Ramës./CNA.al

Foto-Video/ Truproja i Bashës godet me grusht qytetarin