E fundit!

07:10 Ekonomi

Kursi i këmbimit, 17 korrik 2026

Këtë të premte një dollar amerikan blihet me 81.2 lekë dhe...

I akuzuar për dekonspiracion/ Vladimir Mara drejt SPAK-ut

15 Shkurt 2019, 09:51, Aktualitet CNA

Struktura e Posaçme Antikorrupsion, pritet të pastrojë sistemin e politikës, por edhe atë të drejtësisë nga të inkriminuarit dhe të korruptuarit.

Për këtë arsye janë të rëndësishëm edhe prokurorët që do të jenë pjesë e kësaj strukture. Që do të thotë nevojiten prokurorë të përgatitur profesionalisht, por edhe prokurorë që nuk mbajnë në CV-tyre akuza për korrupsion apo shkelje të ndryshme të ligjit ndër vite.

Deri më tani për në SPAK, kanë aplikuar 17 kandidatë dhe pjesa më e madhe e tyre ende nuk kanë kaluar në procesin e Vettingut.

CNA.al do të kalojë në filtër të gjithë kandidatët që synojnë të jenë pjesë e SPAK-t, si nga ana profesionale ashtu edhe në aspektin e pasurisë.

Vladimir Mara, prokuror pranë Krimeve të Rënda, është një nga kandidatët për SPAK-un.

Nëse flasim për anën profesionale, risjellim në vëmendje se emri i Marës është lakuar më herët për dekonspirim operacioni.

Në aksionin e tetorit 2017, pas zbulimit të një sasie lënde narkotike, në media u lakua se prokurori Vladimir Mara, i ndodhur në vendngjarje bashkë me Policinë e Shtetit, ka dekonspiruar aksionin.

Ai e ka mohuar një të tillë, duke mohuar se ka qenë në vendgjarje, pasi ka pasur fëmijën sëmurë.

Prokurori Vladimir Mara gjithashtu është pjesë e grupit të prokurorëve që po hetojnë ish-ministrin e Brendshëm Saimir Tahiri dhe për të thënë të vërtetën bashkë me koleget kanë dështuar në këtë rast.

Nëse në të njëjtën mënyrë, Mara synon të punojë dhe në SPAK, do të thotë amnistim i të inkriminuarve.

Pas ndërrimit të drejtuesve të Prokurorisë për Krime të Rënda, Mara është parë në krahun e të komanduarës Donika Prela. Duket se bashkë me disa të tjerë tek Krimet e Rënda, ai është pjesë e klanit Donika Prela-Arta Marku.

Në këto rrethana “qengji i urtë” Vladimit Mara synon SPAK-un.

Ndërsa sa i përket pasurisë, sipas të dhënave të Open Spending Albania, prokurori Mara rezulton se të ardhurat i ka nga paga e tij dhe e bashkëshortes.

Deklarata e pasurisë nga viti 2003-2016

Në vitin 2003 ai ka deklaruar vetëm pagën si prokuror.

Në vitin 2004 ai ka deklaruar pagën në shumën 705 252 lekë.

Në deklaratën fillestare të vitit 2008, ai thotë se burim të ardhurash ka një banesë private në proces legalizimi në bashkëpronësi me vëllezërit dhe prindërit, automjet me vosvagen që kushton 420 000 lekë. Nga viti 2000 deri në vitin 2004, oficer i Policisë gjyqësore në Korçë me një pagesë 500 000 lekë. Nga viti 2004-2008 në Policinë gjyqësore në Prokurorinë e krimeve të rënda me pagesë 730 000 lekë, bashkëshortja mësuese më një pagë 360 000 lekë.

Ka deklaruar se ka marrë një kredi në vitin 2007 në shumën 100 000 lekë, për shtatë vite.

Në vitin 2008 ai ka deklaruar pagën si Prokuror në Durrës në shumën 360 000 lekë, pagën e bashkëshortes 150 000 lekë.

Në vitin 2009 ai ka deklaruar sde ka shituar makinë volsvagen në shumën 400 000 lekë dhe ka blerë një Land Rover në vlerën 3 mijë euro. Më tej ka deklaruar pagën si prokuror në shumën 900 000 lekë, shperblime, paga dhe dietat të bashkëshortes në shumën 420 000 lekë, pagën si pedagog në Universitetin e Durrësit në shumën 21 000 lekë.

Në vitin 2010 ai ka deklaruar tre burime të ardhurash, si prokuror, pedagog, shpërblime, dieta në shumat 897 044 lekë dhe 12 960 lekë. Të ardhura nga paga e bashkëshortes në shumën 420 000 lekë. Në kët vit ka deklaruar edhe një kredi në shumën 77 990 lekë.

Në vitin 2011 ai ka deklaruar kursime nga pagat në shumën 200 000 lekë, të ardhurat nga paga e tij dhe e bashkëshortes në shumat 828 524, 12 960 dhe 449 044 lekë.

Në vitin 2012 ai ka deklaruar se ka blerë një automjet në shumën 600 000 lekë, ka hapur një llogari kursimesh në shumën 200 000 lekë, të ardhura nga paga e tij dhe e bashkëshortes në shumat 846 998 dhe 480 000 lekë.

Në vitin 2013 ai ka deklaruar kursimet nga paga në shumën 300 000 lekë si dhe të ardhurat nga pagat.

Në vitin 2014 ai ka deklaruar 300 000 lekë kursime, të ardgura nga paga në shumën 1 040 569 lekë, të ardhura nga paga e bashkëshortes në shumën 525 141 lekë.

Në vitin 2015 ai ka deklaruar kursime nga pagat në shumën 150 000 lekë, të ardhura nga paga si prokuror në shumën 1 025 312 lekë dhe paga e bashkëshortes në shumën 531 432 lekë.

Në vitin 2016 ai ka deklaruar Të ardhura vjetore neto nga paga, dieta, shpërblime nga puna si Prokuror pranë Gjykatës së Shkallës së Parë në Durrës dhe në Prokurorinë e Krimeve të Rënda, në shumën 1 199 766 lekë.

Të ardhura nga paga, dieta, shpërblime nga paga e bashkëshortes si mësuese në shkollën ?1 Maji? në Tiranë në shumën 451 590 lekë./CNA.al