E fundit!

22:15 Politikë

Berisha mund të rikandidojë për kryeministër?/ E tregon deputeti demokrat

Deputeti demokrat, Belind Këlliçi, komentoi sot qëndrimin ...

Skandal/ Lleshaj dekonspiroi operacionin e policisë?

15 Shkurt 2019, 11:09, Aktualitet CNA

Ministri i Brendshëm, Sandër Lleshaj, ka komentuar mbrëmjen e djeshme vendimin për uljen e dënimit ndaj Dritan Dajtit, i cili vrau katër efektivë policie në vitin 2009.

I ftuar në TV “A2 CNN”, Lleshaj u shpreh i sigurtë se nuk ka pasur shantazh ndaj gjyqtarëve, por nuk përjashtoi edhe mundësinë e marrjes së parave.

?E para, është apeli, e dyta është kërkesa e Ministrisë së Drejtësisë për të filluar hetimin administrativ, por ka edhe masa të tjera. Nuk ka pasur shantazh ndaj gjyqtarëve, ndoshta kanë marrë para?,-u shpreh Lleshaj.

Deklarata e Lleshajt duket të ketë qenë një paralajmërim i qartë, pasi vetëm pak më vonë, policia ka ushtruar kontrolle ?blic? në banesat e gjyqtarëve, të cilët shpëtuan Dritan Dajtin nga burgimi i përjetshëm.

Kontrollet blic në banesat e tre gjyqtarëve, që ulën dënimin për Dritan Dajtin janë zhvilluar në orët e para të mëngjesit të sotëm.

Ndërkohë gjatë këtyre kontrolleve, në banesën e gjyqtarit të Apelit në Vlorë, Skënder Damini, në zonën e Liqenit në kryeqytet është gjetur një vlerë monetare rreth 17 mijë euro.

Mësohet se gjyqtari Damini ka thirrur një avokat, me të cilit ka dalë nga shtëpia për t’ju drejtuar Policisë së Tiranës.

Për gjyqtarin në Gjykatën e Apelit në Vlorë, Skënder Damini, gjyqtarin në Gjykatën e Apelit të Vlorës, Petrit Aliaj dhe Aleks Nikolla, gjyqtar në Gjykatën e Apelit në Shkodër, ka nisur procedimi penal për veprën penale korrupsion aktiv të gjyqtarëve, prokurorëve dhe funksionarëve të lartë të drejtësisë, dhe shpërdorim të detyrës.

Kujtojmë këtu se disa ditë më parë, Gjykata e Apelit për Krime të Rënda pranoi gjykimin e shkurtuar, për Dajtin, i cili ishte dënuar me burg përjetë, duke ja zbritur këtë dënim me 25 vite burg për vrasjen e 4 policëve në gusht të vitit 2009. Procesi ndaj Dajtit zgjati rreth 10 vite, ndërsa nga gjykata e Shkallës së Parë u dënua me burgim të përjetshëm në vitin 2014./ CNA.al

Vendimi për Dritan Dajtin/ Lleshaj: Mund të kenë marrë para

Vendimi për Dritan Dajtin/ Nën hetim tre gjyqtarët, kontrolle blic në banesa