web counter
LEXO PA REKLAMA!

SHKARKO APP

App Store
Google Play

Po transportonin drogë drej Greqisë/ Në pranga katër persona

15 Shkurt 2019, 14:49, Aktualitet CNA

Policia e Korçes ka arrestuar në flagrancë katër persona të dyshuar se kanë konsumuar veprën penale “tentativë të tafikut ndërkombëtar të drogës”.

Gjatë kontrollit të dy kamionëve në pikën doganore të Kapshticës u sekuestrua një sasi e konsiderueshme kanabisi, rreth 1074.2 kg.

Sipas Policisë në pranga kanë rënë shtetasit me iniciale A.S, 47 vjeç, Z.H,56 vjeç, A.M,50 vjeç dhe M.S 30 vjeç.

Njoftimi i Policisë, Korçë:

4 të arrestuar për tentativën e trafikut të narkotikëve në Kapshticë.

Në vijim të informacionit, për goditjen e një tentative ndërkombëtare të trafikut të lëndëve narkotike, specialistët e Seksionit për Hetimin e Trafiqeve të Paligjshme dhe Narkotikëve, pranë Drejtorisë Vendore të Policisë Korçë arrestuan në flagrancë 4 shtetas:

Në dalje të Republikës së Shqipërisë u paraqitën 2 mjete, tip kamion. Gjatë kontrollit të imtësishëm si edhe skanimit të mjeteve, u gjet dhe sekuestrua një sasi 1074,2 kg lëndë e dyshuar narkotike kanabis.

Nga kryerja e veprimeve të mëtejshme hetimore, u arrestuan drejtuesit e mjeteve dhe dy bashkëpunëtorë të dyshuar të tyre, si të implikuar. Në cilësinë e provës materiale u sekuestruan disa mjete, sasi monetare dhe telefona.

Materialet i kaluan për ndjekje Prokurorisë pranë Gjykatës së Shkallës së Parë për Krime të Rënda Tiranë./CNA.al





Lajmet e fundit nga