web counter
LEXO PA REKLAMA!

SHKARKO APP

App Store
Google Play

E fundit!

x

Asnjë gjurmë/ Policia në kërkim të dy shtetasve të zhdukur  10 ditë më parë

15 Shkurt 2019, 21:34, Aktualitet CNA

Dy shtetas, Sokol Rama, 32-vjeçar, baba i dy fëmijëve të mitur, banues në fshatin Mamaj të Tepelenës, dhe shokun e tij, Roland Milo, rreth 40 vjeç, nga fshati Miçan i Përmetit janë zhdukur pa lenë asnjë gjurmë nga pas për të identifikuar vendndodhjen.

Zhdukja e tyre ka ndodhur dhjetë ditë më parë, gjë që e kanë konfirmuar  prindërit e Sokol Ramës.

Në dhenien e informacionit të mëtejshëm, pas konfirmimit të faktit, Policia e Përmetit ka thonë se Rama është person me precedentë penalë, i akuzuar për vjedhje dhe gjithsa ka ndodhur  mund të jetë pasojë e prishjes së pazareve të drogës. Kjo nga që Rama është identifikuar si i përfshirë në transportin e drogës.

Në përgjigje të denoncimit nga i ati, efektivë të shumtë të policisë dhe një helikopter kanë krehur zonën, ku telefonat e tyre janë identifikuar për herë të fundit, por pa rezultat.

Gjithçka deri tani mbetet në kuadrin e hamendësimeve  nga që ende nuk ka ndonjë gjurmë që të stimulojë ngritjen e një versioni të qartë.

Dy shtetasit mund të jenë përfshirë në ndonjë incident, gjatë transportimit të lëndës narkotike drejt Greqisë. Por nuk përjashtohet as pista që të jenë ekzekutuar nga grupet që i paguanin për të kryer transportin e droge për në Greqi./CNA.al





Lajmet e fundit nga