Foto-Protesta e opozitës/ RENEA dhe FNSH blindojnë Kryeministrinë

16 Shkurt 2019, 08:46, Aktualitet CNA

Teksa pritet që në Tiranë të fillojë protesta e opozitës së bashkuar, policia, FNSH dhe RENEA janë vendosur në ambientet e brendshme të kryeministrisë, me qëllimin për të parandaluar ndonjë situatë të tensionuar nga protestuesit.

Bëhet me dije se policët janë gjithashtu të pajisur edhe me maska kundërgaz, në rast të hedhjes së bombave molotov apo sendeve të tjera piroteknike. Ndërsa forca të shumta policie kanë ardhur edhe nga rrethet për t?ju bashkuar policisë në Tiranë.

Policia thirrje qytetarëve

Policia e Shtetit ka dalë ditën e djeshme me një deklaratë për masat e marra dhe për garantimin e rendit dhe sigurisë sa i takon protestës së sotme të opozitës, ndërsa ka edhe një thirrje për qytetarët që nuk kanë qasje me tubimin, duke iu kërkuar që të mos ekspozohen në atë vend. ?Për qytetarët që nuk janë pjesë e protestës bëhet thirrje që të shmangin sa të jetë e mundur mjediset, ku ajo do të zhvillohet. Policia e Shtetit kërkon mirëkuptimin dhe bashkëpunimin e qytetarëve përgjatë kontrolleve të shtuara, që ajo është e detyruar të zhvillojë në disa akse kryesore rrugore dhe në mjedise të tjera me rëndësi, në interes të sigurisë së qytetarëve dhe të vetë protestës. Ftohen të gjithë qytetarët që kanë informacione me rëndësi, të kontaktojnë në anonimat në numrin e telefonit pa pagesë 112, ose në Komisariatin Dixhital?, thuhet në njoftim.

Refuzimi i lejes së PD

Policia e Shtetit më tej në deklaratën e saj sqaroi edhe korrespondencën me Partinë Demokratike, në lidhje me vendin e organizimit të protestës. Në njoftim policia pohoi nuk do të lejojë bllokimin apo kufizimin e rrugës ?Ismail Qemali? për protestën e opozitës, duke e konsideruar jetike lëvizjen. ?Policia e Shtetit është përballur edhe me disa kërkesa të pamundura të Partisë Demokratike, ku njoftohet synimi për të bllokuar rrugë apo mjedise të caktuara. Garantimi i lirisë së veprimtarisë, të lëvizjes dhe të qasjes së papenguar në mjediset e misioneve diplomatike dhe në disa institucione të rëndësishme shtetërore, e bëjnë të pamundur lejimin e protestës së opozitës në rrugën ?Ismail Qemali?. Por nga ana e Policisë së Shtetit janë mundësuar mjedise të mjaftueshme si Bulevardi ?Dëshmorët e Kombit?, thuhet në njoftimin e Policisë së Shtetit.