E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Planet e errëta/ Zbulohet skenari Rama-Tahiri-Prela

6 Shkurt 2019, 13:03, Aktualitet CNA

Kreu i grupit parlamentar i Partisë Demokratike, Edmond Spaho ka thënë sot se kryeministri Edi Rama ka vënë në dispozicion të gjitha institucionet për të ulur dënimin apo shpallur të pafajshëm ish-ministrin e Brendshëm Saimir Tahirin për trafikun ndërkombtar të drogës.

Në një deklaratë për mediat, Spaho ka thënë se pasi bllokuan hetimet për rreth një vit, skema që është paraqitur për këtë çështje është një skemë e mirëpërcaktuar.

?Pasi bllokuan për një vit hetimet për Saimir Tahirin dhe Edi Ramën për trafikun e drogës duke mos na vënë në dispozicion asnjë dokument.

Skema për të bërë hetimin parlamentar për Tahirin janë show dhe një skemë e mirëpërcatuar.?-tha ai.

Deputeti shtoi ndër të tjera se PD e ka përcaktuar se Donika Prela po bën çdo gjë që Tahiri të shpallet i pafajshëm.

?PD e ka përcakturar se Donika Prela po bëhet gati të lirojë Tahirin ose të ulë akuzat ndaj tij. Edi Rama ka vendosur në dispozicion të gjitha institucionet për të ulur masën e Tahirit.?-tha Spaho.

Ai theksoi se Rama së bashku me Tahirin, kryebashkiakun e Durrësit, Vangjush Dakon dhe ish-ministrin e Infrastrukturës Damian Gjiknurin kanë vjedhur vota në një numër të madh të qyteteve të Shqipërisë.

?Pasi ai së bashku me Vangjush Dakon, Damian Gjiknurin dhe Saimir Tahirin janë banda që kanë vjedhur votat në Durrës, Dibër e qytete të tjuera të Shqipërisë.?- u shpreh Edmond Spaho./CNA.al

Deklarat e Plotë e kreut të grupit parlamentar të Partisë Demokratike, Edmond Spaho:

Partia Socialiste dhe Edi Rama kanë ndërtuar një skemë për të zvarritur hetimet ndaj Saimir Tahirit me shpresën për ta shpëtuar atë nga burgu dhe më pas edhe veten e tij.

Sot, ushtarët e Edi Ramës në konferencën e kryetarëve refuzuan ngritjen pa vonesë të komisionit hetimor për Saimir Tahirin.

Në përpjekje për ta zvarritur sërish të drejtën kushtetuese të opozitës për të kontrolluar qeverisjen, që në këtë rast është bashkëqeverisje me bandat, Partia Socialiste kërkoi kohë për t?u njohur me kërkesën tonë për komision hetimor.

Pasi e bllokuan për gati një vit hetimin nga parlamenti të veprimeve të Saimir Sahirit dhe Edi Ramës për trafikun e drogës, duke mos na vënë në dispozicion asnjë dokument, kërkuan që të njihen me ndryshimet që ne kemi paraqitur në kërkesën për komision hetimor, megjithëse kërkesa është depozituar që në datën 1 Shkurt 2019.

Ndryshimet tona nuk janë thelbësore. Ato kanë të bëjnë:

– Me kohën e hetimit, që nga 6 muaj, bëhet 3 muaj

– Me numrin e deputetëve që nga 9, bëhet 11

– Me ngushtimin e kohës për të cilën do të hetohet, nga e papërcaktuar, në 2014-2018.

Skema për të zvarritur hetimin parlamentar për Saimir Tahirin dhe lidhjet e tij me trafikun e drogës është e njëjta që po ndiqet edhe në prokurori. Përtej show-t që ndiqni në ekrane për afate të reja hetimi apo ankesa false kundër prokurorisë, gjithçka është skemë.

Partia Demokratike e ka paralajmëruar se Donika Prela, që duhet të ishte nën hetim për pastrim parash dhe favorizim të bandave, po bëhet gati të lirojë Tahirin nga akuza e drogës dhe, në rastin më të keq, do t?i ngarkojnë një akuzë banale, si shpërdorimi i detyrës.

Edi Rama ka vendosur çdo institucion në shërbim të Tahirit, për të mbrojtur veten e tij nga drejtësia.

Në 16 shkurt është dita që t?i japim fund kësaj maskarade dhe të bashkohemi për të mos lejuar asnjë nga këta bashkëpunëtorë të krimit të marrin peng të ardhmen tonë dhe të fëmijëve tanë…