web counter
LEXO PA REKLAMA!

SHKARKO APP

App Store
Google Play

E fundit!

x

Rektorët mbështesin studentët/ Shkundën universitetin dhe qeverinë

6 Shkurt 2019, 09:46, Aktualitet CNA

Të pranishëm sot në Komisionin Parlamentar për Median dhe Edukimin, rektorët e universiteteve të vendit kanë folur për protestën e studentëve dhe sfidat  e arsimit të lartë.

Rektori i Universitetit të Tiranës, Mynyr Koni tha se mbështet kërkesat e studentëve. Gjithashtu ai theksoi se mungesa e fondeve po cënon kërkimin shkencor.

?Siç e thatë edhe ju, gjatë dhjetorit dhe në janar të vitit 2019, institucionet e arsimit të lartë u përfshin në disa protesta. Kërkesat e studentëve i mbështesim dhe kemi ofruar bashkëpunim. Unë personalisht si rektor të gjithë qëndrimet e asambleve i mbështesë për shkak se kërkesat e Asambleve kryesore kanë marrë në analizë situatën dhe janë shprehur me kërkesa. Universiteti i Tiranës ka një buxhet shumë të vogël në nivelin e pagave. Kam kërkuar rritjen e vazhdueshme për kërkimet shkencore dhe mungesa e fondeve dëmton punën e kërkimit shkencor në këto vite.?-u shpreh Mynyr Koni.

I pranishëm në këtë Komision ishte edhe rektori i Mjekësisë, Arben Gjata, i cili shtoi faktin se protesta dhe reagimi i studentëve shkundi administratën dhe qeverinë.

?Unë në këto muaj kam qenë të paktën tre herë në seanca të tilla. Kjo protestë e studentëve shkundi universitetin, administratën dhe qeverinë dhe i beri ato të  reflektojnë. Kaluam një situatë të vështirë me universitetet. Pjesa më e madhe e kërkesave të studentëve i kemi plotësuar dhe madje një pjesë tjetër e kemi kaluar. Nuk i kemi plotësuar të gjitha kërkesat dhe për të analizuar problematikat  janë mbledhur senati akademik dhe bordi i administrimit.?-tha Arben Gjata.





Lajmet e fundit nga