web counter
LEXO PA REKLAMA!

SHKARKO APP

App Store
Google Play

Skandali me tenderat në Ministrinë e Drejtësisë/ Reagon Manjani

6 Shkurt 2019, 11:55, Aktualitet CNA

Ish-ministri i Drejtësisë në qeverinë ?Rama 1?, Ylli Manjani ka reaguar pas lajmit se katër ish-zyrtarë të kësaj ministrie kanë përfunduar në pranga, pasi një hetimi të prokurorisë në lidhje me abuzimet me tenderat, gjatë viteve 2016-2017.

Në një postim në rrjetet sociale, Manjani shkruan se ndjen keqardhje për ata punonjës, me të cilët ka punuar.

Gjithashtu Manjani reagon edhe për raportimin në media, se ai dhe ish-ministri Petrit Vasili janë në verifikim.

?Ishin arrestuar disa zyrtarë dhe ish zyrtarë të Ministrisë së Drejtësisë. Ende nuk kuptoj nëse janë arrestuar, pra me vendim gjykate, apo shoqëruar e ndaluar nga policia.

Nuk më erdhi mirë sigurisht! Janë punonjës të asaj Ministrie dhe për aq kohë sa kam punuar me ta, ndjej keqardhje.

Në disa lajme elektronike lexova se qenkam dhe unë bashkë me Petrit Vasilin në verifikim!!!

Une nuk di asgjë për këtë fakt, por nëse duan të verifikojnë apo hetojnë shumë mirë do bëjnë.?-shkruan Manjani.

Më tej, ish-ministri thekson se nëse ky pushtet ka mbaruar punë me trafikun e drogës, kanabizimin e vendit, koncensionet e PPP, tenderat e infrastrukturës dhe abuzimet miliona e eurove, le ti verifikojnë edhe shërbimet mbështetëse të Ministrisë së Drejtësisë. Biles edhe të kohës së sotme, se i njëjti personel është…

?Unë nuk jam person me imunitet dhe as mbrohem nga parti apo njeri tjetër. Mendoj dhe shprehem lirisht për atë që mendoj, pavarësisht çmendojnë të tjerët.

Për të gjithë të interesuarit, miq e gazetarë nuk kam asnjë koment më shumë për këtë çështje.

Nuk kam ndërmend të bëj e as ti nënshtrohem gjyqeve popullore dhe elektronike. Aq më tepër për gjera të stisura…

Portaleve e mediave pro qeverisë, aq më pak lodhem ti sqaroj e tu jap ushqim që ata të vijojnë të vjellin kundër meje.

Vijoj të mendoj e shprehem lirisht mbi ato që mendoj, pa i marrë leje askujt! Si gjithmonë!?-përfundon postimin e tij ish-ministri.

Abuzim me tenderat/ Arrestohen 4 zyrtarë, në hetim dy ish-ministra





Lajmet e fundit nga