E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

“Të moralshmit e tepsisë”/ Manjanit dhe Vasilit u plas “bomba” në dorë

6 Shkurt 2019, 11:24, Aktualitet CNA

Lëvizja Socialiste për Integrim, pas tetë vitesh në pushtet, prej rreth një vit e gjysëm është në opozitë, dhe tashmë duket se ka marrë ?shpatën? në dorë për të sulmuar dhe kritikuar çdo gjë.

Dy ndër figurat e LSI-së, që reagojnë për çdo gjë, janë dy ish-ministrat, Ylli Manjani dhe Petrit Vasili, ky i fundit aktualisht është kreu i grupit parlamentar të LSI.

Petrit Vasili dhe Ylli Manjani nuk ka një ditë që të mos bëjnë postime në rrjetet sociale kundër qeverisë, të cilës i shërbyen me devotshmëri disa vite më parë.

Por, këta që dalin e bëjnë moral për çdo gjë, duket se nuk qenkan dhe aq të moralshëm.

Mesa duket reagimi i tyre dhe sulmet ndaj cdo gjëje që u del para, më shumë sesa për hallet e qytetarëve është për të mbuluar skandalet e tyre, gjatë viteve që ishin pjesë e ?tepsisë? së pushtetit.

Sot, katër zyrtarë, mes të cilëve edhe ish-sekretarja e Përgjithshme, Juliana Hoxha janë vënë në pranga, pasi Prokuroria e Tiranës ka zbuluar skandalin e abuzimit me tenderat në Ministrinë e Drejtësisë.

Gjithashtu 8 persona janë lënë në arrest shtëpie, ndërsa po verifikohen edhe dy ish-ministra të këtij dikasteri.

Hetimet janë shtrirë ne 5 tendera: Mirëmbajtja dhe mbikëqyrja e sistemit ICMIS në 7 Gjykatat Administrative; Përmirësimi i sistemit të mbikëqyrjes elektronike në fushën penale; Përmirësimi, Zhvillimi dhe Mirëmbajtja e Regjistrit Noterial Shqiptar; Sistemi i Monitorimit me kamera për burgun e Lezhës dhe Fushë Krujës; Përmirësimi dhe mirëmbajtja e sistemit elektronik të çështjeve të përmbarimit.

Bëhet fjalë për tendera të dhënë gjatë viteve 2016-2017, kohë në të cilën ky dikaster është drejtuar nga Ylli Manjani dhe më pas Petrit Vasili.

Kujtojmë këtu se në nëntor 2015, Ylli Manjani, në atë kohë zv.kryetar i LSI mori detyrën e Ministrit të Drejtësisë në kabinetin e Edi Ramës.

Manjani e mbajti këtë detyrë, deri në fund të janarit të vitit 2017, kur kryeministri Edi Rama firmosi lirimin e tij nga detyra dhe emërimin në këtë detyrë të Petrit Vasilit./ CNA.al

Abuzim me tenderat/ Arrestohen 4 zyrtarë, në hetim dy ish-ministra

Gjithollogu i dështuar i politikës