web counter
LEXO PA REKLAMA!

SHKARKO APP

App Store
Google Play

Shërbimet dentare/ Zbulohet kush urdhëroi rritjen e çmimeve

24 Janar 2019, 13:19, Aktualitet CNA

Deputeti i Partisë Demokratike, Bardh Spahia në një deklaratë për mediat ka bërë publike një shkelje nga Kryetari i Urdhrit të Stomatologëve, Nikollë Deda.

Spahia tha se kandidati i Partisë Socialiste për Lezhën, Nikollë Deda ka urdhëruar ngritje artificiale të çmimeve e shërbimeve dentare.

?Vendimi për rritjen e çmimeve nga Kryetari i Urdhrit të Stomatologëve, Nikollë Deda  është i jashtëligjshëm.

Me heshtjen e saj qeveria është bërë pjesë e këtij vendimi të paligjshëm.

Me këtë vendim kandidati për deputet i Ramës në Lezhë  është duke bërë një shkelje të drejtëpërdrejtë të ligjit të Urdhrit  të Stomatologëve.?-tha ai.

Demokrati theksoi se Urdhri i Stomatologëve ka si detyrë ruajtjen e standarteve më të larta të profesionit si dhe mbrojtjen e pacientëve dhe jo ngritjen e çmimeve.

?Ky organ ka si detyrë ruajtje e standarteve të larta të profesionit dhe mbrojtjen e pacientëve.

Nikollë Deda, ka ngritur në mënyrë të paligjshme vendosjen në treg të çmimit monopol.

Ministria e Financave është informuar zyrtarisht, por nuk ka bërë asgjë për ta parandaluar këtë shkelje dhe vjedhje të qytetarëve.?- u shpreh ai.

Spahia bëri thirrje për bashkim dhe protesta kundër këtyre shkeljeve.

?PD i bën thirrje dentistëve të mos e zbatojnë një urdhër të paligjshëm i cili rrit çmimet. Të gjithë duhet të ngrihemi kundër këtij vendimi rrënues e grabitës ndaj qytetarëve.?-shtoi ndër të tjera deputeti i PD-së./CNA.al





Lajmet e fundit nga