web counter
LEXO PA REKLAMA!

SHKARKO APP

App Store
Google Play

Balluku "nxjerr kthetrat"/ HEC-et në skaner

24 Janar 2019, 12:56, Aktualitet CNA

Ministrja e Energjetikës dhe Infrastrukturës, Belinda Balluku në një deklaratë për mediat ka thënë se të gjitha kontratat jooperative do të ngrihen.

Balluku deklaroi sot se për çdo kontratë do të fillojë një proces skanimi, i cili do zhvillohet në bazë të dy kritereve.

?Kur kemi shumë më shumë kontrata ende jooperatrive është koha të fillojë një proces  skanimi të çdo subjekti të licensuar.

Ky proces do të ndiqet nga një grup pune i drejtuar nga zëvendësministri.

Skanimi do të bëhet në bazë të dy kritereve.

1- Kriteri i përputhshmërisë ligjore dhe përmbushja e kushteve kontraktuale nga kompania fituese.

2- Do të skanojmë dhe vlerësojmë nëse kontratat e koncesioneve janë në kushtet e vendosura në kontratë.

Më tej do të bëhet ngrirjen e të gjitha kontratave jooperative deri në daljen e  raportit të tyre.?-tha ajo.

Ministrja shtoi se për këto skanime do bashkëpunojë me Ministrinë e Turizmit dhe ministrin Blendi Klosi.

Ajo theksoi se nuk ja vlen të shkatërrohet një pasuri e madhe për një HEC të vogël.

?Gjithashtu, do të bashkëpunojmë me Ministrinë e Turizmit, në mënyrë që të mos përsëriten situatata siç është rasti në Gramsh.

HEC-et mund të kontribuojnë në ekonomi, por edhe mund të shkatërrojnë ekonominë më shumë sesa kontribuojnë, nëse për një HEC të vogël shkatërrohet një pasuri më e madhe.

Nuk besoj se mund të jua them në këto momente se sa kohë do të marri, ne nuk do të bëjmë asnjë veprim arbitrar por do shikojmë dhe verifikojmë të gjitha kontratat.?-deklaroi Belinda Balluku./CNA.al





Lajmet e fundit nga