Prokurori i rrënuar i Krimeve të Rënda/ Refuzoi “peshkun” e vrasësit me pagesë

23 Janar 2019, 11:17, Aktualitet CNA

Prokurorët e Krimeve të Rënda janë pjesë e fazës së dytë të Vettingut. Ndërkaq, ata janë dhe kandidatët potencial për Strukturën e Posaçme Antikorrupsion.

CNA.al këtë radhë në fokus do të ketë prokurorin Behar Dibra, i cili gjithë karrierën e tij e ka të përqëndruar tek Krimet e Rënda.

Behar Dibra është ndër prokurorët që ka hetuar kryesisht vrasje. Gjithashtu, Dibra ka qenë pjesë e disa dosjeve të vrasjeve për shkak të marrëdhënieve familjare.

Ndër të tjera Dibra ka pasur në dorë çështjen e vrasësit me pagesë Julian Sinanaj, së bashku me prokurorin Besnik Muçi.

Vrasësi me pagesë, Julian Sinanaj që ka fituar statusin e të penduarit, gjatë gjykimit ka akuzuar drejtësinë se nuk kanë arrestuar të gjithë ata që ai ka akuzuar. Në një nga seancat gjyqësore, Sinanaj ka ?shpërthyer? me akuza të rënda ndaj sistemit të drejtësisë, kryesisht ndaj prokurorëve, për të cilët tha, se kanë bërë pushime luksi me paratë e kriminelëve.

Në sallën e gjyqit, Sinanaj iu është drejtuar, dy prokurorëve të çështjes, Behar Dibra dhe Besnik Muçi, duke iu thënë se do i çonte për peshk. Fillimisht Sinanaj tha, se njërin e kishte çuar për gjah, duke iu referuar prokurorit Ardian Nezha, që e hetoi në fillim këtë çështje, i cili më pas ishte transferuar në Peshkopi.

Por, Dibra duket se ka refuzuar ?peshkun?, pasi ende po qëndron tek Krimet e Rënda dhe për nga pasuria është copë-copë.

Është aq i rrënuar nga ana ekonomike, saqë s?ka çfarë i bën Vettingu. Nëse analizohet pasuria e tij ndër vite, i bie që Vettingu mos ta pranojë si pjesë të procesit.

?Fukara, fukara, i mjeri fukara?, janë vargjet që i shkojnë për shtat prokurorit Dibra.

Që nga 2003, kur ka nisur karrierën si prokuror e deri më sot ai ka deklaruar vetëm pagën dhe një kredi të marrë ndër vote për blerjen e një apartamenti.

Pas tetë vitesh si prokuror ai ka arritur të blejë një apartament me një kredi me afat 20 vjeçar.

Pasuria e deklaruar ndër vit nga Behar Dibra, sipas Open Spending Albania

Në vitin 2003 ai ka deklaruar vetëm pagën si prokuror në Tiranë.

Në vitin 2004 ai ka deklaruar pagën, si prokuror i Krimeve të Rënda në vlerën 1 451 736 lekë dhe shpërblime në vlerën 40 000 lekë.

Në vitin 2005 ai ka deklaruar të ardhura nga paga dhe shpërblimet në shumën 108 877 02 lekë, si dhe një kredi 400 000 lekë.

Në vitin 2006 Dibra ka deklaruar të ardhura nga paga dhe shpërblimet në shumën 129 4598 lekë si dh kredi në shumën 130 000 lekë.

Në vitin 2007 ai ka deklaruar të ardhura nga paga dhe shpërblimet në shumën 1 321 136 lekë dhe kredi në shumën130 000 lekë.

Në vitin 2008 ai ka deklaruar të ardhura nga paga dhe shpërblimet në shumat 1 344 399 lekë dhe 1 353 399 lekë.

Në vitin 2009 ai ka deklaruar vetëm të ardhurat nga paga në shumën 1 444 888 lekë.

Në vitin 2010 sërish ai ka burim të ardhurash vetëm pagën si prokuror pranë Krimeve të Rënda.

Në vitin 2011 ka blerë një apartament në Tiranë 1+1, me vlerë 5 000 000 lekë, duke e paguar me një kredi që e ka marrë për 20 vite, pra deri në 2031.

Në vitin 2012 ka deklaruar kredinë prej 5 000 000 lekë që ka marrë në 2011 dhe pagën si prokuror pranë Krimeve të Rënda.