web counter
LEXO PA REKLAMA!

SHKARKO APP

App Store
Google Play

Del para KPK-së/ Zbardhet vendimi për drejtuesin e Prokurorisë së Apelit

23 Janar 2019, 09:28, Aktualitet CNA

Drejtuesi i Prokurorisë së Apelit Vlorë, Altin Binaj është rikonfirmuar në detyrë, nga Komisioni i Pavarur i Kualifikimit.

Mësohet se trupa gjykuese e përbërë nga Genta Tafa Bungo, Pamela Qirko dhe Xhensila Pine, vendosi se Binaj është i përshtatshëm për vijimin e detyrës.

Binaj e ka filluar karrierën në institucionin e Prokurorisë në Shqipëri në mesin e viteve ?90. Ai ka mbajtur postin e zv.drejtuesit të Prokurorisë së Vlorës si dhe ka drejtuar prokuroritë e Fierit dhe të Durrësit gjatë viteve 2008-2013.

Në vitin 2013, prokurori Altin Binaj u emërua në Prokurorinë e Përgjithshme, ku kryesoi drejtorinë e hetimit të korrupsionit. Prej vitit 2016, Binaj drejton Prokurorinë e Apelit të Vlorës.

Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurorit Altin Binaj nga viti 2003 deri në fund të vitit 2017.

Kujtojmë këtu se CNA.al më parë ka zbardhur pasurinë e Binaj, i cili rezulton se ka shtuar pasurinë, duke blerë për 15 mijë euro një apartament 56 metra katrorë në Orikum të Vlorës. Apartamentin thotë se e ka blerë nga të ardhurat personale dhe familjare të grumbulluara në vite. Për më tepër linku:

Me shtëpi pushimi në Orikum dhe makinë mijëra euro / Zbardhet pasuria e Altin Binajt





Lajmet e fundit nga