web counter
LEXO PA REKLAMA!

SHKARKO APP

E fundit!

x

Gomonia me 1 ton drogë/ Në pranga autorët e dyshuar

23 Janar 2019, 09:55, Aktualitet CNA

Një ditë pas sekuestrimit të një gomoneje, me rreth 1 ton lëndë narkotike, policia ka bërë të mundur vënien në pranga të autorëve të dyshuar.

Burime zyrtare nga uniformat blu bëjnë të ditur se në pranga kanë rënë shtetasit A. A., 39 vjeç dhe E. Xh., 33 vjeç.

?Falë punës hetimore intensive e të mirëorganizuar nga një grup i posaçëm hetimor i Drejtorisë Hetimore Qendrore në Policinë e Shtetit,  Drejtorisë Vendore të Policisë Fier, në bashkëpunim me  Prokurorinë për  Krime të Rënda dhe me Drejtoritë Vendore të Policisë Vlorë, Lezhë e Elbasan, u bë e mundur zbardhja e tentativës për trafik ndërkombëtar të një sasie të konsiderueshme lënde narkotike.

Si rezultat u bë kapja dhe arrestimi në flagrancë i shtetasve: A., 39 vjeç dhe E. Xh., 33 vjeç.

Nga tërësia e  hetimeve të kryera nga grupi hetimor dyshohet  se këta shtetas janë  poseduesit e lëndës narkotike që do trafikohej më datën 22 janar, rast i parandaluar dhe goditur gjatë operacionit të koduar “Vjosa”, të zhvilluar nga Policia e Shtetit në bashkëpunim me GdF-në?-shkruhet në njoftimin e policisë.

Vlorë/ Gjendet gomonia me një ton hashash





Lajmet e fundit nga