web counter
LEXO PA REKLAMA!

SHKARKO APP

App Store
Google Play

E fundit!

x

Denoncim-Shkon për të aplikuar/ I sekuestrojnë kartën e vlefshme të identitetit

23 Janar 2019, 09:37, Aktualitet CNA

Rreth 1.4 qytetarëve iu skadojnë kartat e identitetit. Pranë zyrave të Gjendjes Civile, që nga fillimi i muajt Janar 2019, fluksi i qytetarëve që aplikojnë për karta  është rritur.

Radhë të gjata me qytetarë që presin për të aplikuar sheh në çdo ditë të javës. Për më tepër disa prej tyre  nuk mbarojnë dot punë, çka i detyron të rikthehen sërish në radhë.

Përgjatë gjithë kësaj kohe, nuk kanë munguar ankesat nga qytetarët për rradhën e gjatë si dhe për proçedurën e ndjekur.

Por, absurditetet nuk mbarojnë këtu. Një qytetar ka denoncuar në redaksinë e CNA.al, se ndërsa ka shkuar për të aplikuar, i është marrë karta e identitetit, e cila i skadonte pas tre javësh.

Sipas denoncuesit, ndërsa kërkohet që rreth 1.4 mln shqiptarë të rinovojnë kartat se, ndër të tjera, nuk do marrin asnjë shërbim që lidhet me të, ta heqin këtë dokument nga pronësia mbi 3 javë përpara skadencës.

?Absurditeti më i madh në Albanistan. Aplikon për kartën e identitetit sot, meqenëse skadon me 16.02.2019 dhe pasi përfundon procedurën në Gjendjen Civile të mbajnë, (sekuestrojnë kartën që ende është e vlefshme)?, shkruan denoncuesi.

Më tej denoncuesi shtron disa pyetje ndaj organeve kompetente.

?Por me çfarë do i kryej shërbimet unë ore, pasi karta e re do rreth 2 javë të dalë?  Çfarë jeni ju (se nuk gjej emër t?ju them, pasi mendja më ofron vetëm fjalë ofenduese). Nuk mund ta merrnit kartën e vjetër pasi të pajisesha me atë të renë?, thuhet në denoncimin e tij./CNA.al





Lajmet e fundit nga