web counter
LEXO PA REKLAMA!

SHKARKO APP

App Store
Google Play

E fundit!

x

Agron Shehaj, si shembull i dështimit të Lulzim Bashës

23 Janar 2019, 09:22, Aktualitet CNA

Lulzim Basha në zgjedhjet e 2017-ës, shpalosi një listë deputetësh, të cilën e bëri publike vetëm kur e çoi në KQZ në orët e vona pas mesnate.

Një listë e shumë kritikuar, ku Luli pretendonte se do fitonte dhe kishte bërë mrekullinë, por rezultoi një listë e mbushur me të paaftë, të dështuar dhe të akuzuar, se Basha dhe familjarët e tij u kishin shitur mandatet e deputetëve.

Një nga deputetët e akuzuar është dhe Agron Shehaj. Në akuzat e kritikëve të Bashës shpesh shuhet se janë shitur mandate më qindra mijë dollar që nga Vlora, Tirana, Fieri e gjetkë.

Por, përtej këtyre akuzave se fundi u dha një tjetër provë nga vetë Luli dhe lista e 2017-ës ishte një dështim i sprovuar me apo pa shitje mandatesh. Pra në çdo anë që ta shohësh del një deshtim spektakolar i kryetarit të Republikës së Re, Lulzim Bashës, kuptohet edhe më mbështetjen e heshtur të Sali Berishës.

Pasi zhvilloi Kuvendin Kombëtar dhe nxori një Këshill Kombëtar 100% të kontrrolluar, së fundi zhvilloi zgjedhjet për kryesinë. Përtej akuzave për manipulime dhe listë të paravendosur, doli një kryesi me 25 anëtarë, ku vetëm dy prej tyre kanë folur parimisht kundër Bashës, dhe shumica janë bashkëpunëtorët e tij në humbje.

Por, në këtë votim Luli futi edhe shumicën e deputetëve të tij të preferuar, të cilët rezultuan humbës dhe nuk mundën të siguronin as 30% të votave edhe kur fitoi ndonjëri, nga një këshilli i kontrolluar nga vetë Basha.

Agron Shehaj i shitur nga Luli, si risia dhe deputeti ndryshe, në fakt rezultoi se në votim mori gati 90 vota, nga 360 të Këshillit, pra rreth 25% megjithëse kishte një avantazh, ishte i pari i listës së kandidatëve.

Shehaj dështoi të zgjidhej në kryesi, edhe pse punoi fort, dhe goditjen e mori në një strukturë e zgjedhur me kontroll. Pra vetë ushtrarët e Bashës në Këshill, kanë refuzuar risinë dhe deputetët e Lulit, ku spikat Agron Shehaj. Ky së fundi ishte dhe denoncuesi kryesor i skandalit në Unazën e Re, një kauzë e fortë politike e opozitës që shfryhet, pasi PD dhe Luli nuk flasin për dy lotet e tjera, ku ka fituar kompania pranë Bashës.

Në fakt shumica e kandiatëve të kryesisë kanë marrë më pak se 30% të votave të Këshillit, por Shehaj shkëlqen mbi të gjithë. Për faktin se ai është simbol i Republikës së Re, me dalje e denoncime mediatike, me ndonjë portal në krah, bamirësi publike, por të gjitha këto nuk i vlejtën për asgjë.  Intitucioni më i lartë politik midis dy kuvendeve e la jashtë Agron Shehajn, dhe ndoshta ai është simbol i deputetit që i bën të gjithë për të qeshur në parlament, dhe kështu e lanë jashtë,  për të na treguar edhe njëherë një shembull të dështimit të Lulit me listat e 2017-ës, dhe kur kjo vjen nga vetë mbështetësit e Bashës është prova më e pakontestueshme.

Në fakt ky dështim po thellohet me ?luftën? që kryetari i partisë bën për t?i futur në strukturat e larta drejtuese, deputetët e listës së tij zgjedhur nga kunati, megjithëse ata nuk përfaqësojnë PD-në, por në Republikën e re të mandateve dhe karrierës që shitet e blihet pranë familjës së Bashës ka dhe leksione të tilla, ku simboli i dështimit nuk ndalet hap pas hapi./CNA.al





Lajmet e fundit nga