web counter
LEXO PA REKLAMA!

SHKARKO APP

App Store
Google Play

E fundit!

x

Regjizori “shuplakë” Ramës/ Koha e duhur për ta rrëzuar

30 Dhjetor 2018, 13:16, Aktualitet CNA

Regjizori dhe aktori Robert Budina, një nga mbrojtësit më të zjarrtë të Teatrit Kombëtar, ka marrë pjesë në protestën e diasporës, ku ka thënë se edhe kanë kaluar 10 muaj qëkur ka filluar protesta për Tetarin, aktorët nuk tremben.

?Ndodhi që Teatri të shërbente si një pikënisje për të frenuar qeverinë të marrë vendime pa pyetur askënd,?-tha ai.

Budina u bëri thirrje protestuesve që të mos kenë frikë dhe sipas tij nëse ata besojnë në veten e tyre të gjithë do i respektojnë, duke shtuar edhe falenderimet ndaj studentëve që siç thotë aktori vetëm ata do e bëjnë Shqipërinë.

?Askush nuk ka pse të ketë frikë dhe nëse besoni në veten tuaj, të jeni të bindur se të gjithë do të kenë respekt për ju. Shqipëria do të marrë drejtim tjetër kur ju t?a çoni deri në fund këtë kauzë. Falenderoj studentët, ata janë shumë më të ditur dhe të zgjuar se studentët e 1990-ës, dhe vetëm këta mund të bëjnë një Shqipëri ndryshe,?-deklaroi regjizori.

Më tej ai falenderoi edhe emigrantët që sipas tij bashkuan shqiptarët, duke shtuar se ata janë kundër kësaj politike që po e çon vendin në drejtim të paditur sipas tij.

?Është momenti i duhur për të bërë gjënë e duhur, duhet të ndërtojmë një Shqipëri ndryshe. Ne e përcollëm qytetarinë tonë, tashmë është koha që ne të bashkohemi dhe t?a krijojmë atë sistemin e ri?.-mbylli fjalën e tij Robert Budina./CNA.al





Lajmet e fundit nga