Furtuna në qeveri/ Ministrat që u paralajmëruan nga Rama

30 Dhjetor 2018, 13:04, Aktualitet CNA

Kryeministri Edi Rama ka paraqitur dy ditë më parë para Asamblesë Kombëtare të PS, ndryshime të rëndësishme në kabinetin e tij, duke shkarkuar nga detyra plot shtatë ministra.

Ndryshime këto, të cilat u paralajmëruan nga CNA.al vetëm pak ditë më parë. Edhe pse media pranë qeverisë, madje edhe të tjera pranë Lulzim Bashës raportuan se Asambleja e PS nuk do të kishte të bënte me ndryshime në kabinetin qeveritar, CNA.al raportoi pak ditë më parë se Rama do ta ndryshojë qeverinë, para Vitit të ri.

Në media u komentua se ndryshimet në qeveri erdhën për shkak të studentëve, por në fakt ka pasur edhe faktorë të tjerë që ndikuan dhe shkarkimi i disa prej tyre ishte paralajmëruar nga vetë Rama publikisht.

Dy ministra, shkarkimi i të cilëve ishte paralajmëruar publikisht nga Rama, janë ministri i Infrastrukturës dhe Energjitikës, Damian Gjiknuri si dhe ai i Bujqësisë, Niko Peleshi.

Shkarkimi i Gjiknurit nuk ishte shumë i papritur, pasi Rama e kishte paralajmëruar muaj më parë. Gjatë një takimi që kreu i qeverisë zhvilloi në Elbasan në muajin mars 2018, ndër të tjera paralajmëroi se Gjiknuri do të shkarkohet nga detyra, nëse rruga Tiranë-Elbasan, nuk përfundon deri në muajin dhjetor , ndërkohë ndodhi edhe skandali me projektin e Unazës së Madhe të Tiranës.

?Ministri ka marrë sot vendimin që të marrë përsipër që të mbarojë rrugën Tiranë-Elbasan deri në fund të vitit. Ai ka marrë barrën o ta mbarojë, o të mbaroj?, tha Rama para banorëve të Elbasanit.

Por, edhe shkarkimi i Peleshit, nuk ishte ?surprizë?, pasi edhe kjo ishte paralajmëruar nga Rama që në Asamblenë e PS-së në muajin shtator 2018, ku drejtoi kritika të forta në drejtim të ministrisë së Bujqësisë.

?Të marri rrobat dhe të iki në fshat, edhe të luftojë atje dhe të ulen të gjithë atje dhe tu bëjnë atyre dokumentat që ata nuk i bëjnë dot. Ashtu sikundër, kryetari i Bashkisë, ça do u thoni pas një viti, atyre në fshat? Mund të ma thoni ça do i thoni? Le të çohet njëri, ça do ti thoni, do ti thoni kemi bërë rrugë? Po pastaj? Sa agroturizme keni bërë? Sa pika grumbullimi keni bërë? Sa projekte keni bërë me ta??-tha ndër të tjera Rama në muajin shtator.

Nga ana tjetër edhe ministrja e Kulturës, Mirela Kumbaro nuk mundi ta fitonte betejën me Teatrin Kombëtar, gjë e cila ju kthye në boomerang, situata i doli jashtë kontrollit dhe u desh ndërhyrja e kryebashkiakut të Tiranës, Erjon Veliaj që të menaxhohej situata. Përtej kësaj bëri edhe gafen e radhës, ndërsa në një postim në rrjetet sociale pak kohë më parë publikoi një thënie të artistit amerikan, John Waters.

?Ne duhet të kemi sërish libra të mirë. Nëse shkon në shtëpinë e dikujt që s?ka libra, mos u q* me të. Mos e lejo atë të të eksplorojë ty para se të eksplorojë universet sekrete të librit?,- shkroi Kumbaro.

Fill pas këtij postimi, pati reagime të shumta, sepse një gjuhë e tillë nuk i shkon një ministreje, aq më pak një ministreje Kulture.

Por, edhe shkarkimi i ministres së Arsimit, Lindita Nikolla, gjithashtu nuk ishte i papritur. Pavarësisht se Rama mbrojti ligjin për Arsimin e Lartë, ministrja bëri dy gafa totale politikisht. Së pari duke e gënjyer kryeministrin, kur tha se janë ?disa katranjosë? këta që po protestojnë dhe së dyti për mungesën e informacionit se kishte një revoltë të brendshme në Universitete, ç?ka solli një urrejtje të madhe, që çoi deri në shkarkimin e saj.

Argumentat për shkarkimin e tyre mund të jenë të qëndrueshme dhe se e kishin mbushur kupën./ CNA.al

CNA.al e paralajmëroi/ E premte e ?zezë? për qeverinë

Ekskluzive/ Rama pritet të ndryshojë kabinetin para Vitit të Ri

Rama parlajmëroi shkarkimin e Niko Peleshit

Rama paralajmëroi shkarkimin e Gjiknurit/ Zbulohet një nga arsyet

CNA.al e ?shkarkoi? Gjiknurin gjashtë muaj më parë

A do shkarkohet Mirela Kumbaro?