Rama parlajmëroi shkarkimin e Niko Peleshit

30 Dhjetor 2018, 12:40, Aktualitet CNA

Gjatë mbledhjes së Asamblesë Kombëtare të Partisë Socialiste, në këtë fundvit kryeministri Rama shkarkoi 7 ministra të kabinetit të tij.

Mes emrave të shkarkuar nga kryeministri Rama është edhe ministri i Bujqësisë, Niko Peleshi.

Por, pavarëisht se u cilësua si ?surprizë? shkarkimi i Niko Peleshit, i cili kishte vetëm rreth një vit në krye të kësaj ministrie, në fakt e vërteta qëndron ndryshe. Shkarkimi i Niko Peleshit, ashtu sikurse edhe ai i Damian Gjiknurit, ishte paralajmëruar nga Rama që në muajin shtator.

Kryeministri Rama gjatë fjalës së tij në Asamblenë Kombëtare të PS-së të mbajtur në muajin shtator, ka folur me tone kritike ndaj krerëve të degëve të PS në rrethe, kryebashkiakëve, por edhe për ekipin e Ministrisë së Bujqësisë.

Kreu i ekzekutivit i ka drejtuar kritika të forta ministrit Peleshi, ndërsa numëroi dështimet e Ministrisë së Bujqësisë. Rama tha se nuk duan vetëm rrugë dhe ujë, ndërsa theksoi se s?kanë bërë asnjë projekt dhe asnjë punë për fshatin.

?Ne bëmë një hap shumë të mirë, u thamë fermerëve aplikoni me dokumenta zero. Por e dini që sot akoma s?po ju japim gjithë fermerëve paratë? Kush e mban përgjegjësinë për këtë? Kush? I di unë arsyet. I di dhe justifikimet. I di që të gjitha. Po unë dua që ekipi drejtues i Minstrisë së Bujqësisë mos të shkojë në shtëpi, këtë dua unë, mos të shkojnë në shtëpi fare.?-tha Rama.

Gjithashtu ai kërkoi ministria e Bujqësisë ?të marrë rrobat e të ikë në fshat? të luftojë atje dhe të ulen të gjithë atje dhe tu bëjnë atyre dokumentat që ata nuk i bëjnë dot .

?Të marri rrobat dhe të iki në fshat, edhe të luftojë atje dhe të ulen të gjithë atje dhe tu bëjnë atyre dokumentat që ata nuk i bëjnë dot. Ashtu sikundër, kryetari i Bashkisë, ça do u thoni pas një viti, atyre në fshat? Mund të ma thoni ça do i thoni? Le të çohet njëri, ça do ti thoni, do ti thoni kemi bërë rrugë? Po pastaj? Sa agroturizme keni bërë? Sa pika grumbullimi keni bërë? Sa projekte keni bërë me ta??-tha ndër të tjera Rama.

Ka shumë gjasa se që nga ajo Asamble edhe banorët mos të kenë marrë dëmshpërblimin edhe që ministria e Bujqësisë të mos ketë performuar dhe se paralajmërimi të ketë qënë i njëjtë si për Damian Gjiknurin, që i tha ?Ministri ka marrë sot vendimin që të marrë përsipër që të mbarojë rrugën Tiranë-Elbasan deri në fund të vitit. Ai ka marrë barrën o ta mbarojë, o të mbarojë?.

Pra, këto duket të kenë qënë paralajmërin i hapur i Ramës, gjë që ka çuar më pas në shkarkimin e tyre./ CNA.al

Rama ?grusht? Peleshit/ Bujqësia ka dështuar, merrni rrobat e ikni?

Rama paralajmëroi shkarkimin e Gjiknurit/ Zbulohet një nga arsyet