web counter
LEXO PA REKLAMA!

SHKARKO APP

App Store
Google Play

Vrasja e trefishtë në Elbasan/ Deputeti zbulon të vërtetën e këtij qyteti

30 Dhjetor 2018, 12:17, Aktualitet CNA

Deputeti i Partisë Demokratike Luçiano Boçi ka reaguar pas masakrës së mbrëmjes së djeshme në qytetin e Elbasanit, ku mbetën të vrarë tre persona.

Në një postim në rrjetet sociale, Boçi shprehet se kjo ngjarje zgjoi interesin mediatik, por sipas tij vetë qyteti ku ndodhi kjo vrasje e trefishtë është duke fjetur.

?Elbasan ?i bukur?, Elbasan…

Masakra e prag vitit të ri në Elbasan zgjoi interesin mediatik të vendit, por akoma jo reagimin e një qyteti që fle e zgjohet me ?muhabete? vrasjesh, prishjesh pazaresh, sherresh ekstreme.

Kjo ndodh sepse vrasjet në Elbasan prej 5 vitesh, janë shndërruar në një ritual pa të cilin ditët nuk ndjekin dot njëra tjetrën.?-shkrua ai.

Më tej deputeti demokrat bën krahasim me qytetin e dikurshëm të Elbasanit dhe me atë që është kthyer tani, ku sipas tij ndodhin vetëm masakra trafikohet drogë.

?Nga qyteti i dikurshëm i luleve, Elbasani është shndërruar në qytetin e masakrave.

Nga qyteti i arsimit e dijes, në qytetin nyje të trafikut të heroinës e kokainës.?-shkruan Boçi.

Në fund  të postimit, ai rendit se çfarë është duke bërë policia në vend që të merrej me zgjidhjen e këtyre ngjarjeve makabre. Sipas deputetit policia merret vetëm me gjobëvënie e shikon kërleshjen e breshërive të kallashnikovit.

?Policia me urdhërin e politikës, sa kësaj të fundit nuk i prekin votat, rri e vështron kërleshjen e jetëve që këputen në breshëritë e kallashnikovëve.

Vullneti i munguar politik e ka mbyllur atë ?në kazermë?.

Jetët tashmë këtu quhen hesape.

Interesat milionëshe emërtohen sherre.

Gjobvëniet shihen si taksa.

Qyteti ndërkohë zhytet cdo ditë e më shumë në një varfëri skllavëruese të shpirtit të protestës.

Por ditët e reagimit po afrohen…

Elbasani kërkon t?i rikthehet qyteti!?-mbyll shkrimin e tij Luçiano Boçi./CNA.al





Lajmet e fundit nga