E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Premtimi i pambajtur i Ramës për rrugën Tiranë-Elbasan

30 Dhjetor 2018, 11:55, Aktualitet CNA

Rruga Tiranë-Elbasan, ishte premtuar nga kryeministri Rama që do të përfundonte brenda dhjetorit 2018.

Gjatë një takimi që kreu i qeverisë zhvilloi në mars 2018 në Elbasan, tha se kjo rrugë pritet të mbarojë brenda fundit të vitit, dhe këtë gjë ia bëri të qartë edhe ministrit Damian Gjiknuri.

?Ministri ka marrë sot vendimin që të marrë përsipër që të mbarojë rrugën Tiranë-Elbasan deri në fund të vitit. Ai ka marrë barrën o ta mbarojë, o të mbaroj?, tha Rama para banorëve të Elbasanit.

Por, fakti është se Gjiknuri iku dhe rruga nuk ka mbaruar. Për me tëpër kostot e saj janë rritur disa here. Janë shtuar dhjetëra milionë euro dhe rruga nuk përfundoi.

Në vitin 2013 mbaroi gjysma e segmentit nga tuneli në Elbasan, ndërkohë nga viti 2013 dhe po hyjmë në vitin 2019, pra po bëhen gati gjashtë vite dhe nuk ka mbaruar segmenti nga tuneli në Tiranë. Një herë justifikimi ishte mbi një shkarje që ndodhi në zonën e Kërrabës dhe pastaj gjithçka ngeli për mungesën e fondeve. Fondet u plotësuan, por rruga nuk ka mbaruar.

Këtë herë një shkarje tjetër ndodhi, jo në segmentin Tiranë-Tunel, por në segmentin ?Tunel-Elbasan?. Prej gati gjashtë vitesh diku ndërpriten punimet, një ditë punohet, një ditë jo, kërkohen më shumë fonde, qindra milionë euro shtesa të faturuara në taksat e shqiptarëve dhe një autostradë që nuk po përfundohet dot, por thjeshtë dhe vetëm jepen gjithmonë justifikime.

Rruga Tiranë-Elbasan është një aks me gjatësi rreth 29 km, nga të cilat gjysmat kishin përfunduar në vitin 2013 dhe sot pas gjashtë vitesh rruga nacionale nuk ka përfunduar, por thjeshtë dhe vetëm i rriten kostot dhe asgjë më shumë sesa kaq. Le të shpresojmë që zgjedhjet lokale do ta nxisin disi qeverinë dhe ndryshimi i ministrisë do të japë një dritë jeshile që kjo rrugë mund të përfundojë./ CNA.al

Rama ?presion? Gjiknurit: Ose mbaro rrugën Tiranë-Elbasan, ose do mbarosh ti?

Rama paralajmëroi shkarkimin e Gjiknurit/ Zbulohet një nga arsyet