web counter
LEXO PA REKLAMA!

SHKARKO APP

App Store
Google Play

Protesta/ Pedagogu: Të bëhet publike, cili universitet kërkoi tarifë për provimet

6 Dhjetor 2018, 16:40, Aktualitet CNA

Drejtori i Departamentit të Gazetarisë dhe Komunikimit në Universitetin e Tiranës, Mark Marku, ka qenë i ftuar në studion e rubrikës ?Opinion? në Nwës 24, ku ka folur për protestën e studentëve.

Pedagogu i gazetarisë tha që nuk beson se universitetet kanë bërë një kërkesë vendosje tarifash për provimet e mbartura, por edhe nëse kjo është e vërtetë ai thotë që kjo kërkesë të bëhet publike.

?E para nuk besoj se ka qenë kërkesa e universiteteve, por edhe në qoftë se ka pas një kërkesë të tillë, cili universitet e ka bërë këtë kërkesë? Ta bëjnë publike, pasi ata duhet të kenë një shkresë zyrtare.?-tha Mark Marku.

Me tej ai theksoi se ndërsa studentët japin një tarifë vjetore nuk kanë pse të paguajnë edhe për provimet.

?E dyta studentët paguajnë një tarifë vjetore mesatarisht 40.000 lek të reja pse duhet të paguajnë prap? Unë e mbështes protestën e studentëve, pasi kanë shumë të drejtë.?-vijoi më tej ai.

Pedagogu i gazetarisë theksoi edhe se pakënaqësia ndihej të studentët, sepse gjendja ekonomike e tyre është mjaft e rëndë.

?Ka 5 vjet që themi se këto politika do e çojnë në kolaps universitetin dhe do rëndojnë mbi studentët. As ne nuk e dinim që studentët do reagonin kështu, por ndihej pakënaqësia e tyre, ndihej që gjendja ekonomike është e rënduar.?-tha Marku./CNA.al

 

 





Lajmet e fundit nga