web counter
LEXO PA REKLAMA!

SHKARKO APP

App Store
Google Play

E fundit!

x

Incident në Korçë/ Studentët përzënë koordinatoren e Lulit

6 Dhjetor 2018, 13:37, Aktualitet CNA

Prej tre ditësh studentët e universiteteve publike ka filluar një protestë, duke kërkuar plotësimin e katër kërkesave, të cilat janë:

1. Shfuqizimi i VKM nr 288 pika numër 4, për tarifat shtesë për provimet e mbarutura.

2. Mbështetur në nenin 99 mbi Keshillet studentore, Ligji i Arsimit të lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-te, dhe të shtohet një përfaqësues në këtë bord nga studentët.
3. Përmiresimi i kushteve të konvikteve.
4. Përgjysmimi i tarifës së studimit mbështetur në nenin 99 pika 5.

Ndërkohë sot protesta e studentëve ka vijuar edhe në qytetin Korçës.

Studentët me parulla në dorë, ku shkruhet ?Kundër provimeve me koncesion?,  kanë marshuar drejt qëndrës së qytetit.

Por gjatë protestës së studentëve në Korçë ka ndodhur edhe një incident. Ata nuk kanë pranuar që të mbështeten nga koordinatorja e Lulzim Bashës për këtë qytet, Sorina Koti.

Sorina Koti ka tentuar t’i bashkohet protestës, duke ju thënë studentëve se do t?ju ofronte mbështetje politike në këtë kauzë. Por menjëherë ka ardhur reagimi i këtyre të fundit.

Studentët kanë reaguar ashpër ndaj koordinatores së Lulit, duke u shprehur se prania e saj nuk ishte zgjidhje dhe se do ta politizonte situatën.

Ndryshe nga Elbasani, Durrësi apo vende të tjera, studentët në Korçë nuk kanë pranuar që të ketë politizim të protestës, edhe pse në Korçë protesta është simbolike dhe në formë solidarizimi, sepse nga ky Universitet ende nuk ka pasur miratim të tarifave nga rektorati.

Koordiatorja e Bashës ka tentuar të politizojë situatën, por studentët e kanë refuzuar./ CNA.al





Lajmet e fundit nga