web counter
LEXO PA REKLAMA!

SHKARKO APP

App Store
Google Play

Protesta/ Kokëdhima mbështet studentët

6 Dhjetor 2018, 12:28, Aktualitet CNA

Për protestën që po zhvillohet prej tre ditësh nga studentët e Universitetit të Tiranës, Durrësit, Elbasanit, Shkodrës dhe Korçës, ka reaguar kreu i partisë Zgjidhja, Koço Kokëdhima.

Në një postim në rrjetet sociale, Zgjidhja ka shprehur mbështetjen e plotë për studentët që janë duke protestuar dhe faktin që nuk kanë pranuar negociata me ministren e Arsimit..

?ZGJIDHJA mbështet plotësisht protestën e studentëve dhe vendimin e tyre për të mos hyrë në bisedime me ministren e arsimit, pasi kjo tarifë duhet të hiqet dhe jo të negociohet. Nëse i thua një studenti që paguaj 450 mije leke shkollën + 670 leke x 42 kredite=281 mijë(tarifën ekstra)+ banesën dhe ushqimin, atëhere atij i duhen minimalisht 4 milion e 300 mijë lekë në vit.
Ku ti gjejë ky student keto lekë, kur ska asnjë të ardhur?! Do thoni ju që le të punoje.

Nuk punon dot pasi mësimi bëhet nga ora 8 deri në orën 16:00. Edhe për ata që janë gati të sakrifikojnë nuk është e lehtë të gjejnë punë. Prindërit që janë të dy në punë shteti dhe mezi i përballojnë kostot e një studenti, jo më ata qe jetojne me ndihmë ekonomike 3 deri 4 mijë lekë të reja ne muaj. Kësaj i thonë të nxjerresh para nga shtresa me e varfër e popullsisë. Kjo tarifë nuk eshte vetem per studentet “ngeles”(etiketim fyes), por edhe për ata që shkëlqejne nëse do duan ti përmisojnë notat?,- shkruhet në deklaratë.

Në përfundim Zgjidhja ka risjellë në vëmendje rastin e Gjermanisë, e cila e ofron shkollimin publik falas.

?Gjermania që ka popullin më të pasur në Europë e ka arsimin falas. Qeveria jonë, në vend që ta stimulojë, ben te kunderten; e pengon zhvillimin e dijes. Shumë të rinj kanë marrë rrugët e emigrimit për shkak të vështirësive ekonomike, shumë degë të universiteteve u dhe po mbyllen. Ka ardhur koha ti themi mjaft padrejtesive?./ CNA.al





Lajmet e fundit nga