web counter
LEXO PA REKLAMA!

SHKARKO APP

App Store
Google Play

Meta: Arsim cilësor, mësuesit të kryejnë me devocion punën e tyre

6 Dhjetor 2018, 14:32, Aktualitet CNA

Presidenti i Republikës, Ilir Meta,  ishte sot i pranishëm në ceremininë e vlerësimit të mësuesit të shquar, Shkëlqim Gjerani, të cilit iu dha titulli ?Nderi i Qytetit? (pas vdekjes), nga Bashkia e qytetit të Beratit.

Duke përshëndetur ceremoninë, President Meta tha se vlerëson maksimalisht sakrificën e mësuesve.

?Unë jam vetë fëmijë mësuesish dhe babai im gjithashtu ka mbaruar shkollën Pedagogjike të Beratit.Të gjithë kemi nostalgji për atë vend që ka patur mësuesi në jetën tonë dhe të çdo familjeje në të kaluarën, por edhe në komunitet dhe në shoqëri.Vlerësim maksimal për misionin por edhe sakrificën e pasionin e mësuesve, edukatorëve, drejtuesve në fushën e arsimit, siç është dhe rasti i zotit Shkëlqim Gjergjani, të cilin ju sot po e nderoni.? ? u shpreh Presidenti Meta.

Meta u shpreh se kjo duhet të shërbejë si frymëzim për brezat pasardhës.

?Le të jetë kjo ceremoni e sotme, jo vetëm një nderim për këtë personalitet të arsimit, por edhe një nxitje e frymëzim për të gjithë mësuesit dhe pedagogët e sotëm për të kryer me përgjegjshmëri e devocion punën e tyre tepër të rëndësishme. Ky është një mesazh për të gjithë ne, për institucionet, për shtetin, shoqërinë, por edhe për familjen beratase, dhe familjen shqiptare, për të rritur edhe më shumë figurën e mësuesit dhe rolin e tij në shoqëri, për ta respektuar më shumë këtë figurë pasi në kushtet e sotme edukimi edhe më i mirë, por edhe qytetar dhe mbi të gjitha patriotik e kombëtar është i domosdoshëm.?, ? theksoi në përshëndetjen e tij Presidenti i Republikës./CNA.al





Lajmet e fundit nga