web counter
LEXO PA REKLAMA!

SHKARKO APP

App Store
Google Play

Dom Gjergj Meta ‘kryqëzon’ opozitën/ Mos vidhni kauzën e studentëve

6 Dhjetor 2018, 15:54, Aktualitet CNA

Dom Gjergj Meta, ipeshkv i Rrëshenit ka reaguar protestën e studentëve para Ministrisë së Arsimit.

Ai në një postimi në rrjetet sociale shkruan se protesta e studentëve është përgjigja më e mirë për realitetin që është krijuar në Shqipëri.

?Rastësisht sot ju pashë në Tiranë duke protestuar. Ishit shumë. Të rinj e të freskët. Kushedi sa ëndërra keni në zemrat tuaja. Por, keni ndezur edhe te ne të rriturit dëshirën për të ëndërruar.

Në fakt, ndenja disi anash, teksa ju shihja, sepse nuk doja të prishja atë dekor, sikurse jua prishin përfaqësuesit e politikës, sidomos asaj opozitare që duke mos pasur kauza vjedh kauzat tuaja. Ju jeni në fakt përgjigja më e mirë ndaj atyre që duan të ikin nga ky vend, sepse politika e qeverisë ua ka bërë t?u gërtitet ky vend. Ju jeni përgjigja më e mirë ndaj një grupimi opozitar pa mendim substancial, sidomos të atyre rioshave që janë plakur para kohe dhe ndaj një qeverisje pa vizion tërësor, ? ? ka shkruar ai në postimin e tij.

Më tej ai shkruan se të studentët, që protestuan janë përgjgja më e mirë ndaj ne të rriturve që mbetëm duke u kap? nëpër studjo televizive pa asnjë produkt.

“Faleminderit studentë! Jua di për nder që jeni dhe që ngrini zërin tuaj. Mos pranoni t?ju vjedhin kauzat apo t?ju blejnë. Forconi mendimin tuaj dhe shkojini deri në fund. Keni të drejtë derisa sa doni një të ardhme.Ju mund ta bëni ndryshimin?, – vazhdon prifti në postimin e tij.

Ndërsa në përfundim të postimit të tij ipeshkvi i Rrëshenit shkruan ?Lëreni politikën plakë në ?shenjtninë? e saj. Mos u ndalni. E drejta juaj është e ardhmja e vendit tonë. Ju admiroj pafund!?./ CNA.al





Lajmet e fundit nga