E fundit!

22:15 Aktualitet

Aksident me një viktimë në autostradën Vlorë-Fier

Një aksident rrugor me një viktimë ka ndodhur mbrëmjen e s...

Studentët lënë me “gisht në gojë” Lulin

6 Dhjetor 2018, 08:55, Aktualitet CNA

Prej dy ditësh, studentët e universiteteve publike në Tiranë po protestojnë kundër tarifës për provimet e mbartura. Të parët që e iniciuan këtë tubim, ishin studentët e Arkitekturës dhe Urbanistikës, të cilët sot pasi u mblodhën para fakultetit, vijuan marshimin drejt Ministrisë së Arsimit, ku bllokuan rrugën e Durrësit.

Pjesë e kësaj proteste u bënë edhe studentë të fakulteteve të tjera, ku disa prej tyre u bashkuan tek MAS, ndërsa të tjerë vijuan tubimin tek Korpusi Universitar. Studentët po protetstojnë për tarifën e studimit, që në fakt kjo vendoset nga vetë universitetet për shkak të autonimisë në administrim.

Por, ndërkohë duket se protesta po merr profil politik. Në lidhje me protestë ka reaguar edhe Partia Demokratike, përfshirë edhe ish-kryeministrin Sali Berisha.

Pra, opozita po tenton të marrë kontrollin e protestës. Po ashtu të rinjtë e FRPD-së kanë shkuar e janë bashkuar protestës, etj. Deri këtu nuk ka asgjë të keqe. Studentët janë në të drejtën e tyre të protestojnë dhe opozita ka të drejtë t?i mbështesë të gjitha protestat, ashtu siç shkon te ?Astiri? apo në Shkozë, etj.

Por, problemi qëndron në faktin se PD-ja dhe opozita nuk ka protestën e saj, nuk ka reagimin e saj qytetar, por shkon dhe tenton të rrëmbejë kauzat e të tjerëve, dhe për më tepër fik zjarrin kundër qeverisë.

I tillë është edhe rasti i sotëm, sepse studentët vërtetë po protestojnë, por jo për Lulin. Studentët do të fitojnë, ashtu siç kanë fituar gjithmonë, por fitorja e tyre nuk mund të jetë fitorja e Lulit, sepse mjafton që qeveria ta hapë një vesh që e ka shurdh, të ketë një reagim dhe të reflektojë, dhe ta lërë Lulin me gisht në gojë.

Pastaj, askush nuk do të rrijë në protestë sepse ka qejf Luli. Le t’i thirrë vetë Luli në protestë dhe do ta shohim se sa nga këta studentë do t?i shkojnë.

Askush nuk ka për ti shkuar sepse askush nuk ka dalë në protestë për karrigen e Lulit, përkundrazi ai është shembulli më i keq në politikë.

Studentët protestojnë për të drejtat e tyre dhe pa asnjë diskutim duhen mbështetur dhe do të fitojnë, pasi ata nuk humbin kurrë. Në fund ata që do të humbin janë qeveria përballë studentëve dhe Luli që do ngelet me gisht në gojë, sepse nuk i përdori dot studentët./CNA.al