web counter
LEXO PA REKLAMA!

SHKARKO APP

App Store
Google Play

"Ishin të paregjistruar"/ Kontrolli i Hetimit Tatimor, mbyll 100 subjekte

1 Dhjetor 2018, 17:30, Aktualitet CNA

Kontrolli i Hetimit tatimor gjatë muajit Nëntor ka evidentuar se gjysma e bizneseve janë gjetur me shkelje.

Drejtoria e Përgjithshme e Tatimeve njofton se aksioni anti-informalitet do të vazhdojë edhe gjatë Dhjetorit, ku zonat të cilat do të vizitohen më shumë nga tatimorët do të jenë qendrat kryesore të qyteteve.

Mbi 100 biznese janë mbyllur pasi pjesa më e madhe e tyre kanë rezultuar të paregjistruar në organet tatimore si subjekte me TVSH, shkruan TV Klan.

Tatimet thonë se shkeljet më të mëdha vërehen te lëshimi i kuponit tatimor dhe vendosja në punë e kasës fiskale, ndërsa 300 biznese janë gjetur me mall pa dokumentacion.

Në total tatimet kanë vendosur 520 mijë dollarë gjoba ndaj bizneseve në 26 ditë, ku për 2928 subjekte të kontrolluara, 1500 prej tyre kanë patur probleme me ligjin.

Administrata e njoftoi aksionin e ri dy javë më parë. Në bazë të konstatimeve të tyre, bizneset kishin filluar sërish shmangien e taksave, çka detyroi organizimin e një aksioni të ri.





Lajmet e fundit nga