Letër për ish-birin tim/Lamtumirë,ish nëna jote

1 Dhjetor 2018, 21:30, Aktualitet CNA

Është e çuditshme se si disa marrëdhënie në jetën tonë i marrim gjithmonë për të mirëqena. Ekzistojnë terma si ish-burrë, ish-grua, ish partner etj etj. Të gjithë mund të bëhen ish, vetëm marrdhënia mes prindërve dhe femijëve mbetet njëlloj. Gjithsesi në letrën e mëposhtme, do të shohim se si këto siguri thyhen. Nëna shkruan: Letër për ish-birin tim

Pensioni im nuk mund të vazhdojë të ushqejë llogaritë bankare të trafikantëve të drogës.

Po shkruaj me dhimbje në zemër dhe lot në sy. Po të them lamtumirë, ty dhe dhimbjes që po përjetoj prej 20-vitesh, gjatë të cilave të kam parë duke u shëndrruar nga një qenie njerëzore në një kafshë që bën çdo gjë për të ushqyer varësitë.

Ti ishe i mençur, inteligjent, të pëlqente edhe teatri,të kujtohet sa shumë kënaqeshim kur shkonim bashkë në teatër?

E di që ke pasur disa probleme, por kush nuk i ka pasur? Të shtyva të largohesh, të ofrova ndihmë që të rehabilitohesh,por është e qartë që je zhytur në këtë lloj jete tani.

Të kam qendruar pranë gjithë këto vite,sepse nuk kishe askënd tjetër,por mjaft me kaq. Kam nevojë të gjej pak qetësi,para se të shkoj në varr.

Rruga drejt zemrës sime do të jetë gjithnjë e hapur,por me disa kushte. Rehabilitim i plotë,punë e rregullt dhe pavarësi, sepse je gati 40-vjeç dhe ke jetuar i varur nga të tjerët gjithë jetën tënde.

E di që jam dhe unë fajtore, për gjithë ato vite përkëdhelje,por mjaft pensioni im nuk mund të vazhdojë të rrisë llogaritë bankare të trafikantëve.

Shpresoj dhe lutem të të shoh përsëri siç ke qenë në vitin 2009.

Nuk e di se ku jeton, nuk më shqetëson më,jam shumë e lodhur.

Shpresoja që të kisha dikë,i cili do të më shërbente tani që jam e moshuar,por në këto kushte jam e lumtur për faktin që nuk e kam më ankthin që më shkaktoje.

Mbaroi tani. Mos më shkruaj nëse përfundon në burg, do të ti dërgoj letrat mbrapsht.

Jam e çliruar, ti nuk je më në jetën time, për të më shkatërruar emocionalisht dhe financiarisht. Bëj çfarë duhet të bësh për jetën tënde,unë nuk kam nevojë për ty.

Lamtumirë, ish nëna jote!/Cna.al