web counter
LEXO PA REKLAMA!

SHKARKO APP

App Store
Google Play

Hetimet për Adriatik Llallën/ Prokuroria letërporosi drejtësisë gjermane

1 Dhjetor 2018, 15:19, Aktualitet CNA

Prokuroria shqiptare ka kërkuar informacion nga drejtësia gjermane lidhur me hyrje-daljet e Llallës në Gjermani, dhe nëse Llalla ka pasuri në shtetin gjerman.

Pothuajse një  vit pasi Llalla ka dorëzuar detyrën e kryeprokurorit, Prokuroria i ka dërguar një letërporosi autoriteteve gjermane.

Ish-kryeprokurori sipas burimeve të Report Tv, jeton në qytetin Bremen të Gjermanisë bashkë me familjen e tij.

Informacionet për Llallën kërkohen nga prokuroria e Krimeve të Rënda, në kuadër të hetimeve për ?pastrim parash?, ?refuzim të deklarimit të pasurisë?, ?mosdeklarim?, ?fshehje ose deklarimi i rremë i pasurisë?, ?Mosdeklarimit të shumave të të hollave ne kufi?, ?Pastrimit të produkteve të veprës penale? dhe ?Shpërdorimit të detyrës?.

Ndërkohë që në 23 korrik të këtij viti, Krimet e Rënda sekuestruan 1 miliardë lekë pasuri të ish-kryeprokurorit, masë kjo që është lënë në fuqi nga Gjykata e Apelit për Krimet e Rënda, pas kontestimit të Llallës.

Adriatik Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit ndërkohë që  Departamenti Amerikan i Shtetit ndaloi publikisht hyrjen e Adriatik Llallës dhe familjes së tij në Shtetet e Bashkuara, me argumentin se ?ka informacione për përfshirje të tij në raste domethënëse korrupsioni?.





Lajmet e fundit nga