web counter
LEXO PA REKLAMA!

SHKARKO APP

App Store
Google Play

Ukraina merr masa të rrepta/ Ndalon hyrjen e 100 shtetasve rusë në vend

1 Dhjetor 2018, 16:10, Aktualitet CNA

Shërbimi kufitar në Ukrainë ka ndaluar 100 rusë të hyjnë në vend më 1 dhjetor. Ky lajm vjen një ditë pasi presidenti ukrainas Petro Poroshenko lajmëroi se meshkujt rusë të moshës 16-60 vjeçare do të ndalohen të hyjnë në Ukrainë gjatë periudhës së gjendjes së jashtëzakonshme që do të zgjas 30 ditë.

Ky veprim vjen pas eskalimit të tensioneve në mes të Kievit dhe Moskës pasi rojet bregdetare ruse kanë hapur zjarr mbi tre anije ushtarake të Ukrainës dhe ekipit të tyre në Krime, Gadishullin e Ukrainës që ishte aneksuar më 2014.

Nërkohë zëdhënësi kufitar në Ukrainë, Andriy Demchenko, tha se shumica nga ata që do të kalonin kufirin, nuk kanë dhënë arsye të fortë për vizitën. Demchenko shtoi se disa nga ta nuk kanë poseduar edhe dokumentet e nevojshme për të kaluar.

Presidenti Poroshenko, tha se ky vendim është marrë për të parandaluar hyrjen e ushtrisë ruse në territor. Ministria e Jashtme e Rusisë ka fajësuar Qeverinë e Ukrainës për vendime të cilat dëmtojnë qytetarët e thjeshtë.





Lajmet e fundit nga