E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

E firmosi pak orë para shkarkimit/ Cili është vendimi i fundit i Fatmir Xhafajt

11 Nëntor 2018, 16:33, Aktualitet CNA

Pak orë para se të shkarkohej nga Parlamenti si ministër i Brendshëm, Fatmir Xhafaj ka firmosur vendimin e tij të fundit.

Vendimi është marrë në datë 6 nëntor, kur pritej të mblidhej seanca plenare për të votuar dekretin e Presidentit Meta për shkarkimin e Fatmir Xhafajt si ministër, ku mori pjesë edhe vetë.

Në Fletoren Zyrtare të datës 8 nëntor është publikuar vendimi që lidhet me masat shtesë të sigurisë publike.

Vendimi i botuar në Fletoren Zyrtare parashikon Udhëzimin e ministrit të Brendshëm mbi masat shtesë të sigurisë publike. Ky vendim, ndër të tjera, liston bizneset, të cilat do të duhet të pajisen me kamera sigurie. Në këtë listë janë edhe subjektet që disponojnë lokale nate si disko, pub-e si edhe biznese që ushtrojnë aktivitetin e tyre nga ora 23:00 deri në orën 06:00, shkruan Panorama.

Sipas vendimit, ?Subjektet që disponojnë lokale nate si disko, pub-e, instalojnë sistem me kamera të tipit ÇTV, me rezolucion të lartë, me rreze infra të kuqe dhe që ruajnë imazhet filmike në NVR/server, jo më pak se 15 ditë, me fushëpamje brenda objektit dhe në perimetrin e jashtëm të tij.

Skema e vendosjes së kamerave miratohet nga shefi i Komisariatit të Policisë në territorin ku është objekti; Instalojnë sistem me kamera për leximin automatik të targave të automjeteve në hyrje-dalje të parkimit të objektit dhe server me kapacitet që ruan të dhënat jo më pak se 15 ditë, deri në një muaj;

Pajisin punonjësit në hyrje të objektit me dedektor; Kontraktojnë shoqëri private të sigurisë fizike, sipas përcaktimit, një punonjës sigurie për 40-50 persona. Skema e ruajtjes dhe e sigurimit të objektit miratohet nga shefi i Komisariatit të Policisë në territorin ku është objekti?.

Ky vendim i Xhafajt, duket si një masë shtrënguese ndaj ngjarjes së fundit që i ndodhi atij si ministër i Brendshëm, vrasja në ishBllok. Kjo, pasi vendimi i firmosur nga Xhafaj, shfuqizon vendimin e mëparshëm të marrë për këtë ligj, duke bërë një ridetajim mbi zbatimin e ligjit për masat shtesë të sigurisë publike.

Pas këtij vendimi, Fatmir Xhafaj ka deklaruar publikisht se do të angazhohet si deputet dhe si ligjvënës në vijimin e implementimit të Reformës në Drejtësi dhe në mënyrë të veçantë krijimit të Prokurorisë së Posaçme Antikorrupsion dhe Byrosë Kombëtare të Hetimit.