web counter
LEXO PA REKLAMA!

SHKARKO APP

App Store
Google Play

E fundit!

x

Merkel takohet me Vuçiç/ Thirrje për normalizimin e raporteve Kosovë-Serbi

11 Nëntor 2018, 15:18, Aktualitet CNA

Në kuadër të ceremonive të shënimit të 100-vjetorit të përfundimit të Luftës së Parë Botërore, në Paris, kancelarja gjermane Angela Merkel është takuar me kërkesë të saj, me presidentin e Serbisë Aleksandar Vuçiç.

Nga kabineti i presidentit serb thuhet se ata kanë biseduar për raportet bilaterale mes Gjermanisë dhe Serbisë, për bashkëpunimin ekonomik, gjendjen në rajon dhe procesin e integrimeve evropiane.

Presidenti i Serbisë pohon se ai e ka informuar kancelaren për rrjedhën e dialogut dhe hapat e fundit që ka marrë Prishtina kundër Serbisë – në radhë të parë ngritjen e taksave për mallrat serbe dhe ato nga Bosnjë-Hercegovina.

Vuçiç tha se Kosova po e shkel marrëveshjen e nënshkruar për tregti të lirë dhe në këtë mënyrë po cënon bashkëpunimin dhe stabilitetin.

Nga ana tjetër DW shkruan se kancelarja Merkel ka thënë se  Gjermania është e gatëshme që të ndihmoj në ruajtjen e paqës dhe stabilitetit në rajonin e Ballkanit Perëndimor, edhe ka theksuar rëndësinë e normalizimit të raporteve mes Kosovës dhe Serbisë.

Gjermania është një prej vendeve kryesore të cilat kanë kundërshtuar idetë e fundit për korrigjimin e kufirit mes Kosovës dhe Serbisë.





Lajmet e fundit nga