web counter
LEXO PA REKLAMA!

SHKARKO APP

App Store
Google Play

E fundit!

x

Interi turpërohet nga Atalanta/ Shënon edhe mbrojtësi i kombëtares tonë

11 Nëntor 2018, 13:38, Aktualitet CNA

Atalanta fitoi 4-1 Interit, në ndeshjen e javës së 12-të, duke dhuruar një paraqitje mjaft të mirë, edhe pse në një ditë me një shi të rrëmbyeshëm. Që në minutën e 9-të, Hatebor shënoi për ekipin e Gasperinit, ndërsa zikaltrit u dukën të pafuqishëm, edhe të paktën për të goditur portën e Berishës.

Në të 47-tën, me fillimin e të dytës, Icardi barazoi me penallti, me Berishën që ia kuptoi krahun, por nuk mundi të bënte më shumë për ta ndalur. Gjithsesi, barazimi ishte momental, pasi Mancini kaloi sërish në të 62-tën në avantazh Atalantën.

Golin e tretë e shënoi edhe mbrojtësi i kombëtares tonë, Gjimshiti që realizoi me kokë pas një goditje dënimi, dhe Handanovic nuk kishte çfarë të bënte. Brozovic ndërkohë, u ndëshkua me 2 kartonë të verdhë, dhe në të 92-tën la fushën e lojës. Në fund të ndeshjes Gomez shënoi dhe golin e 4. Me këtë 3 pikësh, Atalanta ngjitet në vendin e 6-të, me 18 pikë, dhe tashmë futet sërish në zonën e Europës. /CNA.al





Lajmet e fundit nga