E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Ekskluzive-Tenderat në UT/ Rektori ka futur në valle Shezai Rrokajn dhe Valentina Dukën

11 Nëntor 2018, 15:31, Aktualitet CNA

Nga Xhovani SHYTI

Duke injoruar të drejtën ligjore të Bordit të Administrimit e të Administratorit rektori i Universitetit të Tiranës, Mynyr Koni, përveç vetes së tij, ka futur në vallen e prokurorimeve publike dhe personazhe të tjerë të përjashtuar nga ligji për ta ushtruar këtë atribut.

Kështu referur gjetjeve të raportit të hartuar nga Grupi i Kontrollit të Ministrisë së Arsimit, Sportit dhe Rinisë (MASR), të disponuar nga CNA.al, rezulton se: rektori Koni ka nënshkruar kontrata të prokurimit publik me operatorët ekonomik, që mbi bazën e ligjit 80/2015 e atij ?Për menaxhimin dhe kontrollin financiar?, janë kompetencë e autoritetit drejtues për çështjet administrative.

Gjithashtu, në zbatim të Urdhërit të Rektorit nr.12, datë 16.02.2017, funksionet e Autoritetit Kontraktor i ka ushtruar edhe zvendësrektori i UT-së, Shezai Rrokaj…

Sikurse lexohet në raport: Në tejkalim të kompetencave, Rektori dërgon autorizimin me nr. 610 prot., datë 09.02.2017, pranë njesive kryesore, ku autorizon Dekanin e Fakultetit/ Drejtorin e Filialit/ Institutit, të krijojë komisionin e prokurimit për vitin 2017. Ky autorizim është zbatuar vetëm në Fakultetin e Shkencave të Natyrës?

Në shqyrtim të disa praktikave Grupi përmend zhvillimin prej Rektor/Zvendësrektorit të procedurave të prokurimit publik, duke marrë cilësitë e autoritetit kontraktor të UT-së, në kundërshtim me nenin 39 e 52 të ligjit, që kompetencat ia atribuon Administratorit.

Ndër këto prokurime rezultojnë të nënshkruara në tejkalim të kompetencave: kontrata administrative nr.766/6, dt. 24.02.2017 ?për shërbimin privat të sigurisë fizike të UT?, Loti i I; Kontrata me objekt ?Blerje, prodhim, instalim, pajisje sisteme mobilimi për UT?; Kontrat nr.4124/4, dt.24.02.2017 ?Blerje,prodhim,instalim,pajisje dhe sisteme mobilimi për UT?, si dhe procedurën e prokurimit për blerje me vlerë të vogël.

Kontratat e mësipërme nuk janë zbatuar nga disa prej kancelarëve të fakulteteve dhe për këtë arsye, këta të fundit janë ndëshkuar me ndërmarrjen e masës disiplinore nga rektori Mynyr Koni.

Ndërkohë që në shkelje të ligjit Dekani i Fakultetit të Shkencave të Natyrës ka ushtruar kompetencat e Autoritetit Kontraktor për blerjet, në Fakultetin e Historisë dhe Filologjisë konstatohet e njejta gjë. Pra, që kompetencat e Titullarit të Autoritetit Kontraktor, deri në janar 2017, i ka ushtruar dekania Valentina Duka?

Ka ndodhur kjo ndërsa ligji me nr.80/2015 ?Për arsimin e Lartë dhe kërkimin shkencor në institucionet e arsimit të lartë në RSH? i bën një ndarje të qartë dhe pa asnjë ekuivok funksioneve të fushës së kompetencave që duhet të ushtrojnë organet kolegjiale dhe autoritetet drejtuese. Sipas këtij ligji ka dy autoritete drejtuese të cilët janë përfaqësues ligjor të dy fushave të ndryshme;Respektivisht Rektori në fushën akademike e protokollare dhe Administratori në fushën financiare e administrative.

Mbështetur mbi këtë bazë ligjore, grupi i kontrollit të MASR konkludon se mosrespektimi nga ana e rektorit të UT-së, Mynyr Koni, përbën shkelje shumë të rëndë të ligjit, pasi këto veprime të Rektorit kanë sjellë pasoja të drejtëpërdrejta si financiare ashtu dhe ligjore për institucionin e UT-së./CNA.al

Ekskluzive/ Rektori Mynyr Koni kërkon të vendosë ?sulltanatin? në Universitet

Ekskluzive-Sistemi informatik i bllokuar/ Rektori i UT-së pushton dhomën e serverit

Ekskluzive-Punësimet në UT/ Rektori sherr me dekanët e Fakultetit Ekonomik, Juridik dhe Gjuhëve të huaja