web counter
LEXO PA REKLAMA!

SHKARKO APP

App Store
Google Play

E fundit!

x

Financimet greke për mediat shqiptare/ Tsipras fton në zyrë kreun e opozitës

20 Tetor 2018, 15:09, Aktualitet CNA

Kryeministri grek Aleksis Tsipras, nuk e priti mirë largimin e Ministrit të Jashtëm, Nikos Kotzias, të cilin e quajti një moment të trishtueshëm.

Në një deklaratë për mediat, Tspiras vlerësoi punën e Kotzias gjatë tre viteve, duke thënë se falë tij u arrit të zgjidhej çështja e emrit të Maqedonisë dhe marrja e dritës jeshile nga Komisioni Europian, për buxhetin e vitit të ardhshëm, ku nuk do të ketë shkurtime.

Kryeministri grek foli edhe në lidhje me akuzat e medias dhe opozitës për shpërdorimin e fondeve sekrete, për financimin e mediave në Shqipëri dhe Maqedoni. Këto akuza Tsipras i ka cilësuar si goditje e transparencës së fondeve të Ministrisë së Jashtme.

Ndër të tjera ai ka ftuar kren e opozitës në zyrë, për ti sqaruar mënyrën sesi shpenzohen taksat e qytetarëve grekë.

?Debati që është hapur ditët e fundit nga opozita dhe një pjesë e medias synon pikërisht të godasë transparencën me fondet e ministrisë së jashtme. E ftoj kryetarin e opozitës të vijë në zyrën time dhe ta informoj sesi shpenzojmë çdo euro të taksapaguesve grekë?, tha shefi i qeverisë greke.

Gjatë fjalës së tij, Tsipras preku edhe çështjet e mbetura pezull me Shqipërinë, si kufiri detar, eshtrat e ushtarëve grekë dhe ligji për minoritetet, për të cilat është shprehur se janë vënë në shinat e duhura.

 Ndërkohë përsa i përket arsyeve të largimit të Kotzias, Tsipras ka vendosur të mos i bëjë publike. /CNA.al





Lajmet e fundit nga