E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Një pyetje për Dhori Kulen/ Po Dr. Kryemadhi, cilëve profesorë të ndjerë, ua ka vjedhur temën e doktoraturës?

20 Tetor 2018, 12:34, Aktualitet CNA

Pak ditë më parë një skandal u denoncua në lidhje me kabinetin qeveritar, ku zv.ministri zëvendësministri i Arsimit Ervin Demo akuzohej për plagjiaturë. Pas këtyre akuzave, ditën e djeshme Demo ka paraqitur sot dorëheqjen e tij.

Por, mesa duket Demo nuk është i vetmi nga radhët e politikës, i cili akuzohet për plagjiaturë, apo vjedhje e punës intelektuale të tjetrit.

Akuza të tilla janë ngritur edhe ndaj kryetares së LSI, Monika Kryemadhi.

Portali, Pamfleti shkruan sot se shefja e LSI, bashkë-ortakja e opozitës, ka treguar zotësi edhe në fushën e studimeve shkencore, në menazhimin e problemeve të sigurimeve shoqërore, trajtuar në spektrin ekonomiko-juridik, duke u futur në një elitë akademike me Dr. Berishën, Dr. Mziun, Dr. Rrokajn e Dr. Panaritin.

Pas 5 vitesh, punë këmbëngulëse e novatore, në bibliotekën e saj shkencore, (siç e thotë vetë), Monika Kryemadhi ka fituar titullin e lartë akademik ?Doktore?, me punimin: ?Analiza e sistemit të sigurimeve shoqërore, në këndvështrimin ekonomik dhe juridik?.

Udhëheqës Shkencor, për këtë temë doktorature, Dr. Kryemadhi (Metaj), ka pasur akademik rektor Prof. Dr. Dhori Kulen i cili, siç shkruan në vlerësimin e tij përfundimtar, ka mbetur i emocionuar e i shtangur nga kultura kontemporane, që ka shpalosur Dr. Kryemadhi (Metaj), në njohjen dhe zbërthimin e çështjeve ekonomike-juridike, në fushën e sigurimeve shoqërore.

Sipas bibliografisë së lëndës referuese, Dr. Kryemadhi (Metaj), ka shfletuar, konspektuar e analizuar, afro 45 mijë faqe literaturë sudimore-shkencore, në 11 gjuhë të huaja, nga përvoja dhe profesorë të shquar të botës.

Mirëpo, ca zëra që e kanë sjellë infromacionin në ?PAMFLETI?, thonë, se këtë temë, Dr. Kryemadhi (Metaj) e ka marrë nga 3 profesorë shqiptarë, të ndarë nga jeta, qysh kur Iliri u bë kryeministër dhe i largoi nga puna, ngaqë i zëvendësoi me ?bijë dëshmorësh? nga Skrapari.

Për ta saktësuar, mendojmë se duhet pyetur udhëheqësi shkencor i saj, prof. Dr. Dhori Kule, për të rrëfyer të vërtetën, nëse Dr. Kryemadhi (Metaj) e ka bërë vetë temën e doktoraturës, apo e ka plagjiaturë si Gjylja e PS dhe si Demoja i Ministrisë së Arsimit.