web counter
LEXO PA REKLAMA!

SHKARKO APP

App Store
Google Play

E fundit!

x

DASH fundos Bashën/ Çfarë dorëzuan amerikanët në prokurori për lobimet 

20 Tetor 2018, 07:51, Aktualitet CNA

Departamenti Amerikan i Drejtësisë rrezikon të fundosë kreun e PD, Lulzim Basha në lidhje me lobimet e bëra në SHBA një vit më parë.

Ndërkohë që disa ditë më parë u tha se në Prokurorinë e Tiranës ka ardhur një dosje nga SHBA mbi lobimet e PD, në ditë në vijim pritet të vijë dhe një dëshmi e Nicolas Muzin, personi me të cilin Basha lidhi marrëveshjen.

Por sot janë zbardhur të tjera detaje nga ajo se çfarë përmbajnë këto dokumente, të cilat lëkundin pozitën e Bashës. Në letër-porosinë që prokuroria ka dërguar në SHBA, janë shkruar një sërë pyetjesh, ku së pari kërkohej të dihej nëse ka pasur marrëveshje mes PD dhe kompanive ?Biniatta Trade LP? e “Muzin Capitol Partners”.

Në dosje janë të gjitha kontrata që janë firmosur nga Basha me ?Biniatta Trade LP? dhe “Muzin Capitol Partners” për vititn 2017, shoqëruar me vlerat përkatëse dhe me detyruat që PD kishte ngarkuar ndaj kontraktuesve.-raporton gazeta Sot.

Po ashtu është dorëzuar një fashikull, ku tregohet se si krejt papritur ?Muzin Capitol Partners?, ndryshoi bilancet e saj në Departamentin Amerikan të Drejtësisë dhe deklaroi e ishte paguar 3 herë nga PD. Dy herë para janë derdhur nga vetë PD dhe një herë pagesa është bërë nga ?Biniatta Trade LP?.

Në prokurori janë dorëzuar të gjitha të dhënat e derdhjeve në thesar nga kompanitë dhe transaksionet. Në adresë të Muzin Capitol, PD ka bërë një pagesë në muajin mars dhe një në muajin qershor. Ndërkohë në fund të marsit është bërë një pagesë nga ?Biniatta Trade LP?. Gazeta ka mësuar se nuk përputhen deklarimet që ka bërë Nicolas Muzin në Departamentin Amerikan të Drejtësisë me ato që ka deklaruar PD në KQZ.

Bëhet fjalë për një shumë të madhe dollarësh që nuk dihet se si ka shkuar në duart e tij. Vetë FBI ka nisur hetimet për rastin dhe atje është marrë në pyetje Nicolas Muzin.





Lajmet e fundit nga