E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

KLD përfshihet nga një tjetër skandal/ Meta i shpall “luftë” Ramës?

20 Tetor 2018, 11:34, Aktualitet CNA

Ministrja e Drejtësisë, Etlida Gjonaj, ka denoncuar sot një tjetër skandal në radhët e KLD-së.

Në një konferencë për shtyp, Gjonaj deklaroi se në mbledhjen e fundit, KLD ka miratuar një vendim jashtë rendit të ditës dhe i panjoftuar më parë, duke i dhënë leje prindërore fshehur gjyqtarit Gjin Gjoni, me argumentin se është bërë baba dhe i duhet të udhëtojë drejt Gjermanisë atje ku jeton bashkëshortja e tij.

Sipas Gjonajt, vendimmarrja e KLD është e paligjshme. Ajo i bëri thirrje këtij institucioni që të shfuqizojë vendimin.

?Në mbledhjen KLD të datës 11.10.2018, në rendin e ditës është shtuar një çështje e panjoftuar, nga gjyqtari Gjin Gjoni për leje prindërore dy vjet. Kërkesa është miratuar nga shumica e KLD në mënyrë abuzive, duke e vënë edhe njëheherë në pikëpyetje legjitimitetin e këtij institucioni. Këto vendime të KLD janë në shkleje të rëndë të ligjit. Ky akt i ndërmarrë me procedurë të parregullt është i pavlefshëm. Kërkesa është shqyrtuar në mënyrë të paligjshme në fund të mbledhjes. KLD mund të marrë çështje të papërfshira në rendin e ditës, vetëm me votat e 2/3 të gjyqtarëve. Pa kuorum, duke përfshirë edhe votën e Gjin Gjonit, KLD i ka shkuar deri në fund një paligjshmërie të këtyre përmasave. KLD mbajti të fshehtë vendimin për gjyqtarin Gjin Gjoni, ndërsa në procesverbal zbulohet mjaft mirë leja prindërore e Gjin Gjonit. Do t’i drejtohem zyrtarisht këtij institucioni që të shfuqizojë vendimin e marrë në shkelje të lgjit, në të kundërt kërkesa do t’i drejtohet gjykatës.?-tha ndër të tjera Gjonaj.

Ndërkohë në njoftimin e KLD në lidhje me mbledhjen e datës 11 tetor, nuk shkruhet asgjë në lidhje me cështjen e mësipërme, të denoncuar nga ministrja Gjonaj.

Kujtojmë këtu se mbledhja është zhvilluar nën drejtimin e kreut të KLD, Ilir Meta, gjë e cila mund të shënojë edhe përplasje mes kreut të shtetit dhe kryeministrit.